विराटनगर । तेलि कल्याण समाजले विराटनगरमा खुल्ला रक्तदान कार्यक्रम आयोजना गरेको छ ।

विराटनगरमा शनिबार आयोजना गरिएको रक्तदान कार्यक्रममा ४१ पिन्ट रगत संकलन भएको अध्यक्ष डा. बालकृष्ण साहले जानकारी दिए ।
१२ पिन्ट अत्ति आवश्यक भएका विमारीका लागि कार्यक्रम स्थलबाट नै संकलन भएको रगत विभिन्न अस्पतालमा लगेको उनले बताए ।
समाजका जिल्ला कोषाध्यक्ष रोहित कुमार साह, महिला समिति अध्यक्ष अम्बिका साह र गिता टेन्ट हाउस सञ्चालक तथा आजिवन सदस्य बुधन साह गरि ३ जनाले पहिलो रक्तदान गरि कार्यक्रमको शुभराम्भ भएकोे कार्यक्रम संयोजक सञ्जय कुमार साहले बताए ।
तेली कल्याण समाजले आफ्नो समाजको लागि मात्र नभएर समग्र नेपालीका लागि विभिन्न सामाजिक कार्यहरु पनि गर्दै आएको छ ।