विराटनगर । खेलकुद विकास बोर्ड कोशी प्रदेशले दुई जना महिला नेत्रीलाई सम्मान गरेको छ । खेलकुद विकास बोर्डका संस्थापक सदस्य, नेकपा एमाले केशी प्रदेश सदस्य तथा नेपाल खेलकुद महासंघका स्थायी कमिटि सदस्य सन्तोषी श्रेष्ठ र नेपाल सौन्दर्यकर्मी युनियन कोशी प्रदेशकी अध्यक्ष तथा समृद्ध समाज नेपालको अध्यक्ष कला डाँगीलाई सम्मान गरेको हो ।

सम्मानित भएका श्रेष्ठ र डाँगीलाई पूर्व सामाजिक विकास मन्त्री जीवन घिमिरले कदर पत्र प्रदान गरेर सम्मान गरेका थिए । उनीहरुले विराटनगरमा तीन दिने महिला सेल्फ डिफेन्स तालिम तथा योगा प्रशिक्षण सफलता पुर्वक सम्पन्न गराएको भन्दै सम्मान गरेको हो । प्रदेश खेलकुद विकास बोर्ड कोशी प्रदेशको आयोजना र समृद्ध समाज नेपालको समन्वयमा उक्त तालिम भएको थियो । बुधबार देखि सुरु भएको सो तालिम शुक्रबार सम्पन्न भएको छ ।
आत्मरक्षा तालिममा मोरङका सामुदायिक विद्यालयका ८, ९, १० र १२ कक्षामा अध्ययरत १०८ जना किशोरीहरुको सहभागि रहेको थियो ।