विराटनगर । प्रथम कोशी प्रदेश दिवा रात्रीकालीन टी–१० क्रिकेट प्रतियोगितामा विराटनगर स्पोर्टिङका खेलाडी परवेज शेख र रवि रोयले आक्रमक ब्याटिङ गरेका छन् ।

विराटनगर – ६ स्थित एमबिजे क्रिकेट मैदानमा बिहीबार भएको एलिट क्रिकेट क्लबसँगको पहिलो खेलमा विराटनगर स्पोर्टिङका परवेजले अर्धसतक कटाउँदै बिस्पोट ब्याटिङ गरेका छन् । परवेजले २६ बलमा ७९ रन बनाउँदै एलिट क्रिकेट क्लबलाई १५५ रनको टार्गेट दिएको छ । टस जितेर ब्याटिङ रोजेको विराटनगरले निर्धातिर १० ओभरमा १ विकेट गुमाउँदै १५५ रनको विशाल टार्गेट दिएको छ ।

परवेजले अविजित ८ छक्का र ६ चौका प्रहार गरे । रवि रोयले पनि अक्रमक ब्याटिङ गर्दै २७ बलमा अविजित ५२ रन बनाए । उनले ३ छक्का र ७ चौका हिर्काए ।

अहिले एलिट क्बलले ब्याटिङ गर्दैछ ।
विराटनगर स्पोर्टिङ क्लबले यसअघि लगातर दुई जित हात पार्दै चार अंका जोडेको छ । दुई खेलमा विराटनगरले दुवै जित हात पारेको हो ।
यसअघि विराटनगरले पूर्वाञ्चल एकाडेमीलाई ७ विकेटले र विराटनगर प्यान्थर्सलाई ५ विकेटले हराएको थियो । अहिले खेल्दै गरेको विराटनगरको यो तेस्रो खेल हो ।