विराटनगर । विराटनगरस्थित मोरङ कारागार भित्र रहेका कैदीबन्दीहरुको लागि निःशुल्क स्वास्थ्य जाँच शिविर आयोजना गरिएको छ । गिरी फाउन्डेसनको आयोजनामा शनिबार कारागारमा स्वास्थ्य शिविर आयोजना गरिएको हो ।

शिविरमा कैद भुक्तान गर्र्दै आएका ६ सय बढी कैदीबन्दीहरुले स्वास्थ्य जाँच गरेका थिए । स्वास्थ्य शिविरमा सबैभन्दा बढी छालाका विरामीहरु बढी रहेका थिए । गिरी फाउन्डेसनका अध्यक्ष अभिषेक गिरीको पहलमा कारागार भित्र स्वास्थ्य शिविर आयोजना गरेको हो । कारागारभित्र कैदीबन्दीहरुको स्वास्थ्यमा धेरै समस्या हुने भएकाले बेलैमा उपचार गरे ठिक हुनसक्ने भएकाले शिविर गरिएको गिरी फाउन्डेसनका अध्यक्ष अभिषेक गिरीले बताए ।

विराटनगरको पारस हस्पिटलको प्राविधिक सहयोगमा उक्त शिविर भएको हो । पछिल्लो समय युवा नेता गिरीले सामाजिक सेवाको काममा सक्रिय भएर लागि परेका छन् ।
उनले यसअघि पनि सामुदायिक विद्यालयको शैक्षिक गुणस्तर सुधार गर्न शैक्षिक सामाग्री पनि वितरण गर्दै आएका छन् । विभिन्न सामुदायका मानिसहरुलाई पनि खाद्यान्य र लत्ताकपडा पनि बितरण गर्दै आएका छन् ।