विराटनगर । प्रथम वडा स्तरीय नकाउट फुटबल प्रतियोगिताको उपाधि विराटनगर ११ नम्बर वडाले जितेको छ ।

विराटनगर जुटमिलको खेलमैदानमा शनिबार सम्पन्न भएको फाइनलमा विराटनगर १२ नं.वडालाई ६– ३ गोलले हराउँदै विराटनगर ११ ले उपाधि जितेको हो । उपाधि संगै विराटनगर ११ ले ३१ हजार रुपैयाँ हात पार्यो । उपबिजेता विराटनगर १२ ले २१ हजार रुपैयाँमा चित बुझायो ।

जितको लागि विराटनगर ११ का सागर तिवारीले दुई गोल, मनोज मारिक , ज्योति मरिक, भुवन बस्नेत र बिवेक राइले १–१ गोल गरे ।

विराटनगर १२ को तर्फबाट रोशन राई ,अनुरोध चौधरि र बिमल राजवंशीले १–१ गोल फर्काए ।

फाइनल खेलको म्यान अफ द म्याच विराटनगर १२ का बिकास मगर घोषि भए । उनले १ हजार १ सय रुपैयाँ पुरस्कार पाए । खेलको म्यान अफ द श्रीरिज विराटनगर १२ का ज्ञानेन्द्र मगर, हाइस्कोर विराटनगर ११ का सागर तिवारी घोषित भए । सागरले प्रतियोगिता भरिमा चार गोल गरे।

विराटनगर १५ नम्बर वडाको आयोजना र मिल्स भेट्रान्स रानी विराटनगरको संयोजनमा भएको उक्त प्रतियोगितामा विराटनगरका आठ टिमको सहभागि रहेको विराटनगर १५ का वडाअध्यक्ष प्रकाश साहले जानकारी दिए ।

बिजेता हुने खेलाडी हरुलाई पुरस्कार वितरण विराटनगर १५ का वडाअध्यक्ष प्रकाश साह, विराटनगर १६ का वडाअध्यक्ष उद्वब भुजेल, विराट गोल्डकप टस्टका अध्यक्ष किशोर शाहीले पुरस्कार बितरण गरे ।