विराटनगर । उदयपुर बेलका नगरपालिका ५ जहडा स्थित मदन भण्डारी लोकमार्ग सडक खण्डबाट प्रहरीले ठूलो परिमाणमा सुपाडीसहित तीन जनालाई पक्राउ गरेको छ । ईलाका प्रहरी कार्यालय रामपुरठोक्सीलाका प्रहरी निरीक्षक ऋषिराम ढकालको कमाण्डमा खटिएको प्रहरी टोलीले बिहीबार ठूलो परिमाणको सुपाडीसहित तीन जनलाई पक्राउ गरेको हो ।

इप्रका रामपुर ठोक्सीला र प्रहरी चौकी लालबजार उदयपुरबाट संयुक्त रुपमा खटिएको प्रहरी टोलीले चेकजाँच गर्ने क्रममा प्र१–०१–००१ख ४१०३ नम्बरको मात्री भाग्यरेखा यात्रु बाहक बसमा कर छलीगरी अबैध रुपमा ल्याउदै गरेको काचो सुपाडी ५९ बोरामा अन्दाजी तीन हजार केजी बरामद गरेको उदयपुर प्रहरीले जनाएको छ ।

बरामद गरेको अवैध सुपाडीसहित भारत दार्जेलिङ जिल्ला खोरीवारी थाना पानीट्याङ्की बस्ने बर्ष ४४ का निलकान्त सिंह , सोही ठाउँका ४४ वर्षे दुलाल देही , बर्ष ६४ कासंजय राजवंशीलाई पनि नियन्त्रणमा लिएको प्रहरीले जनाएको छ । सुपाडी बरामद भएको बस समेतलाई नियन्त्रणमा लिई यस कार्यालयमा ल्याई राखी आबश्यक अनुसन्धान पश्चात कारवाहीको लागी राजस्व अनुसन्धान कार्यालय ईटहरी सुनसरी पठाईएको उदयपुर प्रहरीले जनाएको छ ।
ईलाका प्रहरी कार्यालय रामपुरठोक्सीलाका प्रहरी निरीक्षक ऋषिराम ढकाल आएपछि फरार अभियुक्त, अवैध सामन र चोरी तस्करीमा संलग्न प्रतिवादीहरुलाई पक्राउ गरी कानुनी कारवाहीको दायारमा ल्याउन सफल भएका छन् ।