विराटनगर । विराटनगरस्थित मेट्रो न्यूरो ट्रमा एण्ड मल्टिस्पेशलिटी हस्पिटल प्रा. लि. द्वारा संचालित मकालु एभरेष्ट हस्पिटलमा विरामीको सहजको लागि ‘होम कलेक्सन सेवा’ सुरू गरेको छ ।

कुनै पनि विरामीको ल्याबमा स्वास्थ्य परीक्षण गरिनु परे हस्पिटलले नमूना संकलन गर्ने टिम तयार पारेको छ । अस्पतालले तयार पारेको आठ जनाको टिमले कुनै पनि विरामीको घरमै गएर स्वास्थ्य परीक्षण गर्नुपरे अस्पतालले टिम तयारी अवस्थामा रहने हस्पिटलका अध्यक्ष गोविन्द गुइटेलले जानकारी दिए । ‘विरामीको सहजताको लागि हामीले होम कलेक्सन सेवा पनि सुरु गरिएको छ । कुनै पनि विरामीले आफ्नो स्वास्थ्य परीक्षण गर्न मन लागेर घरबाटै सेम्पल दिन्छु र स्वास्थ्य अवस्था कस्तो रहेछ भन्ने मन गर्नुभयो भने हामीले होम डेलिभरी सेवा पनि दिने गरिएको छ,’ उनले भने, ‘हामीले तयार पारेको स्वास्थ्यकर्मीहरुको टिमले विरामीको स्याम्पल कलेक्सन गर्छ र ल्याबमा परीक्षण गरेर स्याम्पलको रिपोर्ट वाटसप अथवा फोन गरेर जानकारी गराइन्छ । स्वास्थ्य अवस्थामा बारेमा पनि जानकारी गराइन्छ ।’

स्याम्पल कलेक्सन गरेर ल्याएपछि सबैखालको परीक्षण हुने हस्पिटलका ल्याब इन्चार्ज रन्जन कुमार साहले जानकारी दिए । होम डेलीभरी सेवा प्रदान गरिन हस्पिटलले ८ जना स्वास्थ्यकर्मी छन् ।