विराटनगर । विराटनगरस्थित न्यूरो हस्पिटलले दुई दिने वृहत निःशुल्क स्वास्थ्य शिविर आयोजना गरेको छ । सिराहाको सुखिपुर नगरपालिका ८स्थित जन जागृती युवा क्लब तथा सुखीपर उधोग व्यापार समितीको प्रांगणमा वृहत स्वास्थ्य शिविर आयोजना गरेको हो ।

शिविरमा सुखीपुर नगरपालिका सिराहा, जन जागृती युवा क्लब, सुखीपुर उद्योग व्यापार समितीको संयुक्त आयोजनामा शिविर भएको थियो । शिविरमा १ हजार १९जना विरामीले स्वास्थ्य परीक्षण गरेको कार्यक्रम संयोजक सुवास अधिकारीले जानकारी दिए ।

शिविरमा न्यूरो हस्पिटलका विशेषज्ञ १५जना चिकित्सकहरुले स्वास्थ्य शिविरमा विरामीको स्वास्थ्य परीक्षण गरेका थिए । अस्पतालका बरिष्ठ मानसिक रोग बिशेषज्ञ डा. रन्जन थापा, बरिष्ठ हाडजोर्नी विशेषज्ञ डा. अमित देब, वरिष्ठ विशेषज्ञ रेडियोलोजिष्ट डा. निरज रेग्मी, विशेषज्ञ न्युरोलोजिष्ट डा. सुनन्द पौडेल , विशेषज्ञ न्युरो सर्जन डा. आशिषजंग थापा, स्त्रीतथा प्रसुती रोग विशेषज्ञ डा. निशा अधिकारी, छाला रोग विशेषज्ञ डा. रिचा शर्मा, आपतकालिन सेवाचिकित्सक डा. दिलकुमार लिम्बु, विशेषज्ञ कार्डियोलोजिष्ट डा. राजन कर्ण, बरिष्ठ दन्त रोग बिशेषज्ञ डा. अमितप्रताप साह, फिजियोथेरापिस्ट डा. नविन चौधरीे, मेडिकल अफिसरहरु डा. स्वीटी यादब, डा.आकाश दास, डा. अख्लख अन्सारी लगायतले विरामीको स्वास्थ्यजाँच गरेका थिए । एउटै छानामुनी न्युरो अस्पतालका विशेषज्ञ चिकित्सकहरुले स्थानिय स्तरमा विरामीलाई स्वास्थ्य उपचार गरेपछि स्थानिय दंग देखिन्थे । स्वास्थ्य जाँच गरिएको विरामीको चिकित्सकको सिफारिस अनुसार निःशुल्क सुगर परीक्षण, इसिजी,अल्ट्रासाउण्ड, इइजी, एनसीभि,बिएमडी जाँच गरिएको थियो । शिविरमा पोषण सम्बन्धी परामर्श समेत दिइएको थियो ।

त्यसैगरि शिविरमा आएका विरामीलाई आवश्यक पर्ने औषधी पनि नि ः शुल्क वितरण गरेको थियो । न्युरो अस्पतालले कोशी प्रदेश र मधेश प्रदेशका विभिन्न स्थानमा गई विभिन्न उपकरण सहित निःशुल्क स्वास्थ्य शिविर गर्दे आएको छ ।