फेरी बढ्यो सुनचाँदीको मूल्य
काठमाडौं, २ असोज-शुक्रबार छापावाल सुनको मूल्य चार सय रुपैयाँले वृद्धि भएको छ । बिहीबार ९६ हजार ६ सय रुपैयाँ गरिएको छापावाल सुनको मूल्य आज ९७ हजार रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ...
विराटनगर । मोरङको बुढीगंगा गाउँपालिकास्थित स्मृति बोर्डिङ स्कूलमा आज सम्पन्न वादविवाद प्रतियोगितामा विराटनगर– ५ स्थित एभरेष्ट मावि र सुन्दरहरैचाको साजिलाल मावी प्रथम भएका छन् ।
स्मृति इङलिस बोर्डिङ स्कुल नेमुवा बुढिगंगा मोरङको आयोजनामा सामाजिक सन्जालको प्रयोग नविनतम ज्ञानको खोजीकी समयको दुरुपयोग भन्ने शिर्षकमा पक्ष विपक्षमा वादविवाद गराईएको थियो । उक्त शिर्षकको पक्षबाट साजिलाल र विपक्षबाट एभरेष्ट प्रथम भएका हुन् ।
तेस्रो स्व चुडामणि न्यौपाने स्मृतिमा जिल्ला स्तरीय वादविवाद प्रतियोगितामा प्रथम हुने पक्षबाट साजिलाल माविकी आरती अधिकारी र बिपक्षबाट एभरेष्ट स्कुलका अभिनव वस्नेतले नगद १५– १५ हजार सहित ट्रफी मेडल र प्रमाणपत्र प्राप्त गरेका छन् । यस्तै प्रतियोगितामा द्वितीय पक्षबाट डिएभी स्कुल विराटनगरकी सेजल मेहता र बिपक्षबाट जुपिटर सेकेन्डरी स्कुलकी प्रगती अधिकारी भए । उनीहरुले नगद १३– १३ हजार र तृतीय हुने पक्षबाट रेडस्टार माविकी सन्ध्या खड्का र बिपक्षबाट आदर्श माविका आदर्श बरालले नगद ११– ११ हजारसहित मेडल, ट्रफी र प्रमाणपत्र प्राप्त गरे ।
प्रत्येक वर्ष माघ ९ गते हुने यश प्रतियोगीतामा यस वर्ष मोरङ ११ पालिकाबाट ३७ विद्यालयले सहभागिता जनाएको स्मृति इङलिस बोर्डिङ स्कुलकी संस्थापक प्रिन्सिपल रिता न्यौपानेले बताइन् ।
कार्यक्रम संयोजक राजेश न्यौपानेको अध्यक्षता तथा प्रतिनिधि सभा सदस्य तथा लेखा समितिका अध्यक्ष ऋषिकेस पोख्रेलको प्रमुख आतिथ्यतामा कार्यक्रम सम्पन्न भएको हो । कार्यक्रममा बुढिगंगा गाउँपालिकाका अध्यक्ष जितनारायण थापा, उपाध्यक्ष अमृता गच्छदार, मनमोहन प्राबिधिक विश्वविद्यालयका उपकुलपति डा. सुवास श्री पोख्रेल, समाजसेवी राजनितिज्ञ सत्यनारायण चौधरी स्थानीय बुद्धिजीवी, समाजसेवी, शिक्षा प्रेमी बिद्यार्थी लगायतको उपस्थिति थियो । प्रतियोगिताको निर्णायकमा प्रसिद्ध लेखक सुबिन भट्टराई, प्राध्यापक भेसजा काफ्ले र सिस्नोपानी नेपालका सचिव सरोज घिमिरे रहेका थिए ।
