विराटनगर । मोरङको कटहरी गाउँपालिकामा कटहरी उद्योग वाणिज्य संघको कार्यालय संचालनमा ल्याईएको छ । गाउँपालिका नजिकैको शहिदचोकमा संघको कार्यालय संचालनमा आएको हो ।

सो ठाउँमा आयोजित कार्यक्रमकाबीच कटहरी गाउँपालिकाका अध्यक्ष देवराज चौधरीले संघको कार्यालय कोठाको उद्घाटन गरे । कार्यक्रममा बोल्दै अध्यक्ष चौधरीले कटहरी गाउँपालिकामा उल्लेख्य संख्याका उद्योगहरु संचालनमा रहनुका साथै विभिन्न ब्यवसायिक प्रतिष्ठानहरु समेत रहेको बताए । विधिवतरुपमा संघको कार्यालय संचालनमा ल्याइएकाले कटहरी क्षेत्रका उद्योगि ब्यवसायिले संघबाट विभिन्न प्रकारका सहजिकरणको सेवा प्राप्त गर्नसक्ने विश्वास ब्यक्त गरे । अध्यक्ष चौधरीले संघलाई संरक्षण सम्बर्धन गर्न गाउँपालिकाले भुमिका खेल्ने आश्वासन समेत दिए ।

कटहरी उद्योग वाणिज्य संघका अध्यक्ष अरबिन्दकुमार शर्माले ४ बर्ष अघि नै कटहरी वाणिज्य संघको स्थापना गरिएको भएपनि २०८० साउनमा विधिवत दर्ता गरिएको जानकारी दिए । उनले संचालनमा ल्याईएको संघको कार्यालयले शुरुआति समयमा कर परामर्श सेवा संचालन गर्नुका साथै नापतौल कार्यालयको डोर बोलाएर कार्यालयमै ढकतराजुको नापजाँचको ब्यवस्था गर्ने बताए । उनले कटहरी उद्योग वाणिज्य संघलाई नेपाल उद्योग वाणिज्य महासंघ कोशी प्रदेशले अभिभावकत्व ग्रहण गरिसकेको जानकारी समेत गराए ।

आउँदो ४ बर्षको कार्यकालमा संघको आफ्नै भवन स्थापना गर्नेगरि अघि बढिरहेको उनले बताए । कटहरी उद्योग वाणिज्य संघको ११ जना पदाधिकारीहरुमा महासचिवमा मदन साह,सचिवमा ओमप्रकाश अग्रवाल र कोषाध्यक्षमा राजेश जैसानी हरेका छन् । यस्तै सदस्यहरुमा महेश मुखिया,नारायण अग्रवाल,नुनुलाल कामत,गया कोईराला,विमल अग्रवाल,आनन्द साह र मुकेश सिंह रहेका छन् । कटहरीको सो संघमा हाल एकसय उद्योगि ब्यवसायि आबद्ध रहेको जनाएको छ ।