विराटनगर । विराटनगरको हिमालय रोडमा दशैँ फुड फेस्टिबल सुरु भएको छ । दशैको अवसर पारेर विराटनगरमा आइतबारदेखि फुड फेस्टिवल सुरु भएको हो ।
स्थानिय जातजातीका परिकारहरुलाई प्रवद्धन गर्ने उद्देश्यले सुरु भएको फेस्टिबल कात्तिक ४ गतेसम्म संचालन हुनेछ । विराटनगरको ट्राफिक चोकदेखि महेन्द्र चोकसम्म २५ वटा भन्दा बढी खाना लगायत घरेलु उत्पादनका वस्तुहरु स्टलमा राखिएका छन् ।
मञ्जिना मुभिज क्रिएसन र भाजु युवराज फाउण्डेसनको संयुक्त आयोजनामा फुड फेस्टिवल आयोजना गरिएको हो ।
ट्राफिक चौकदेखी महेन्द्र चौक सम्म दशै भाईब्सको साज सज्जावट गरि आम सर्वसाधरणलाई हिडड्ल हुने गरी स्टलहरु राखिएका छन् । फुड फेस्टिवलमा विशेषगरी पाँचथर मिक्लाजुङ्कको किवीबाट बनेका जुस , वाईन्, अचारहरु समेत उपलब्ध छ । त्यसैगरी अर्घानिक घरमा मुस्ताङ्कको स्याउ , आलु लगायत राजस्थान ढावा , पोर्क सुकेवा , निवारी खाजा लगायत विभिन्न खानाका परिकारहरु राखिएका छन् ।
स्थानीय, स्वदेशी तथा विदेशी खानाका साथै स्थानीय कला संस्कृति, भेषभूषाको प्रवर्द्धन गर्ने उद्देश्यले फेस्टिबल गरिएको आयोजक संस्थाका निर्देशक जतिन तम्रकारले बताए । फेस्टिवलमा दैनिक दुई हजार पर्यटकले अवलोकन गर्ने अनुमान आयोजकको छ । करिब ३० लाख रुपैयाँ बराबरको आर्थिक कारोबार हुने अपेक्षा गरिएको छ ।
विराटनगर जाऔं, सडकमा खाऔं, सडकमै रमाऔं’ भन्ने नारासहित फुड फेष्टिवल सुरु भएको हो । फुड फेस्टिवल कार्यक्रम अवधिभर स्थानीय कलाकारहरूको प्रस्तुती समेत रहदै आएको छ । फुड फेस्टिवल अवलोन गर्न आएका उपभोक्ताहरुलाई स्थानीय कलाकारहरुले गीत र नृत्य प्रस्तुत गरी थप मनोरञ्जन पनि प्रदान गर्ने आयोजकले बताएको छ ।