विराटनगर । हरितालिका तिजको अवसरमा सोलुखुम्बुको नेचासल्यान गाउपालिका– २ को नवज्योती महिला समूहले आयोजना गरेको खुल्ला संगिनी नृत्य प्रतियोगितामा वीपी संस्कृत मावि समूह प्रथम भएको छ । सो समूहमा नृत्यतर्फ नानीमैया आचार्य,पुषणा निरौला,रमिला कार्की र रमा बस्नेत थिए भने गायनतर्फ जानुका कार्की र पवित्रा दाहाल थिए ।

वीपी संस्कृत माविमा आयोजित सो प्रतियोगितामा प्रथम हुने समूहले पाच हजार नगद पुरस्कार प्राप्त गरेको विद्यालयका प्रधानाध्यपक उमाकान्त काफलेले जानकारी दिए । नेचा सल्यान गाउपालिका वडा नं २ ले सहयोग गरेको सो प्रतियोगितामा चार वटा संगिनी समूह सहभागी भएको बताइएको छ ।