विराटनगर । सुनसरीको इनरुवा नगरपालिका ३ घर भएकी २३ वर्षीया निकिता चौधरीको रहस्मय मृत्यु भएको छ । १९ महिना अगाडी ३२ वर्षीय नगेन्द्र भगतसँग विवाह भएको निकताको रहस्मय मृत्यु भएको हो ।

शनिबार राती साढे १० झुण्डिएको अवस्थामा निकिताको शव भेटिएको थियो । त्यसपछि उनलाई श्रीमानले विराट टिचिङ हस्पिटलमा लिएर आएका थिए । हस्पिटल ल्यापु¥याउँदा उनको मृत्यु भइसकेको प्रहरीले जनाएको छ ।
निकिताको माइती पक्षले श्रिमान नगेन्द्रले कुटपिट गरेर हत्या गरेको आरोप लगाएका छन् । नगेन्द्रले यसअघि पनि निकतालाई कुटपिट गर्ने गरेको माइती पक्षको भनाई छ । निर्घात कुटपिट गरेर दिदीको हत्या गरेको भाई राहुल चौधरीले बताए । घटनाको छानविन गरी दिदीको हत्यामा संलग्नहरुलाई कारवाहीको दायरमा ल्यानुपर्ने माइती पक्षको भनाई छ ।

माइती पक्षले निकिताको शनिवार राति १० बजे अगाडी हत्या गरेको आरोप छ । मृतकको आफन्तका अनुसार निकिताको टाउँ र हातमा पनि चोटपटक देखिएकाले सुनियोजित तरिकाले हत्या गरेको उनीहरुको भनाई छ । शनिबार राती ९ बजेसम्म निकितासँग कुराकानी भएको माइती पक्षले बताएको छ । त्यसपछि एक्कासी दिदीको मृत्यु भएको खबर सुन्दा दुखिद भएको भाइ राहुलले बताए ।
मृतकको शव विराटनगरस्थित कोशी अस्पतालमा पोष्टार्टम गरिएको मोरङ प्रहरीले जनाएको छ । प्रहरीले श्रीमान नगेन्द्रलाई नियन्त्रणमा लिएको छ । अहिले घटनाको अनुसन्धान भइरहेको प्रहरीले जनाएको छ । पोस्मार्टम रिर्पोटपछि थप विषय खुल्ने प्रहरीले बताएको छ ।