विराटनगर । विराटनगर–३ स्थित सेल्फी रोड निकै तामझामका साथ बनाइयो । जति चर्चा हुनुपर्ने हो, यो रोडको त्यो भन्दा निकै चर्चा चलाइयो ।

तर, सेल्फी रोड बनेको केही वर्षमा उत्त सडकमा बाक्लो झार उम्रिएको छ । अहिले सो सेल्फी सडकमा बाक्लो झार उम्रिएर निकै कुरुप बनिसकेपनि महानगरपालिका र वडा कार्यालयले यसतर्फ चासो देखाएका छैनन् ।

स्थानीयले रोडको विषयमा वडाध्यक्ष बासुबहादुर बस्नेतलाई पटक–पटक ध्यानाकर्षण गराएपनि चासो नदेखाएको बताए । उक्त सडकको छेउमा बनाइएको फलैचा पनि लथालिङ्ग अवस्थामा देख्न सकिन्छ ।

महानगरपालिकाले छुट्याइएको बजेटबाट निर्मित उक्त सेल्फी रोडको दुवैतर्फ बाक्लो झार उम्रिएको छ । स्थानीयले उक्त सडकको तत्काल सरसफाई गर्न माग गरेका छन् ।

सडकको शौन्दर्यकरणको नाममा जडान गरिएको रंगीन वत्ति पनि बिग्रीएर आधा बल्ने र आधा नबल्ने गरेकोमा स्थानीय आक्रोशित भएका छन् ।