विराटनगर । विराटनगरमा जारी दोस्रो संस्करणको एसईइ कप अन्तर विद्यालय स्तरीय रनिङ्ग शिल्ड फुटबल प्रतियोगितामा मोरङ र सुनसरीका पाँच वटा स्कुल क्वाटरफाइनलमा पुगेका छन् ।

विराटनगर – १ स्थित डन बस्को स्कूलको खेल मैदानमा आइतबार भएको खेलमा विराटनगरको माउन्ट मनास्लु, सत्यनारयण, र जेभियर्स स्कुल, सुनसरीको सहिद स्मृती आवसिय मावि र बुढीगंगाको युनिक एकेडेमी विजयी भइ क्वाटरफाइनलमा पुगेको हो ।

पहिलो खेलमा माउन्ट मनास्लुले स्कुलेल स्काई स्कुललाइ ३–० गोलले पराजित ग¥यो । जितको लागि माउन्ट मनास्लुका आयुश चौधरी, प्रभात राजभार र आशिष दासले समान १–१ गोल गरे । खेलको म्यान अफ द म्याच स्काई स्कुलका दिपेन कार्की घोषित भए ।

दोस्रो खेलमा सहिद स्मृती आवसिय मा.बिले मोर्डएरा स्कुललाई ३–० गोलले हरायो । जितको लागि युजिङ चौधरी,सुशील राई र
युवल शेवाले समान १–१ गोल गरे । म्यान अफ द म्याच सहित स्कुलका सप्निल तामाङ भए ।

तेस्रो खेलमा युनिक एकेडेमीले क्रिस्टल स्कुललाई ६–१ गोलले निरास बनायो । जितको लागि धिरज उरावले ह्याट्रिक गर्दै ४ गोल, निम्सन श्रेष्ठ र बिरोध खतिवडाले समान १–१ गोल गरे । क्रिस्टल स्कुलका सबिन भुजेलले सान्तवना गोल फर्काए ।
खेलको म्यान अफ द म्याच युनिकका धिरज उराव घोषित भए ।

चौथो खेलमा सत्यनारायण मा.बिले सगरमाथा स्कुललाई टाइब्रेकरमा ५–४ गोलले पराजित गरो । निर्धातिर समयसम्म १–१ गोलको बराबरी भएपछि जितको छिनोफानो टाइब्रेकरबाट भएको हो । खेलको म्यान अफ द म्याच सत्यनारायण मा.बिका जीवन चौधरी भए ।

पाँचौ खेलमा जेभियर्स ई.स्कुलले सेन्ट जोसेफ स्कुलाई टाइब्रेकरमा ४–३ गोलेल हरायो । निर्धारित समयसम्म गोल रहित खेल बराबरी भएपछि टाइब्रेकरबाट जेभियर्सले जित निकालेको हो । जेभिर्यसका आशिक उराउ म्यान अफ म्याच घोषित भए ।