विराटनगर । एक महिने (१८० ) घण्टे ब्युटिसियन आधारभूत शिप विकास तालिम सम्पन्न भएको छ । विराटनगर महानगरपालिकाको सहयोग र ओसिन ब्युटिपार्लरको आयोजनामा भएको एक महिने ब्युटिसियन तालिम बुधबार सम्पन्न भएको हो ।

महिलाहरुलाई आत्मनिर्भर बनाउने उद्देश्यले आधारभूत तालिम दिएको हो । तालिममा ७ जना महिलाहरुको सहभागिता रहेका थिए । तालिमको प्रशिक्षक ममता प्रधान रहेकी थिइन् । समापन कार्यक्रमको प्रमुख अतिथि शिल्पा निराला कार्कीले यस्तो सिप मुलक तालिमले महिलाहरूलाई आत्मनिर्भर बन्न सहयोग पुग्ने बताइन् । उनले सिकेको सिप व्यवहार्रमा उतार्नुपर्ने बताइन् । कार्यक्रममा विराटनगर ११ का वडाअध्यक्ष तीथेन्द्र न्यौपाने, विराटनगर महानगरपालिकाकी सामाजिक विकास शाखाकी प्रमुख अनिता कोइरालालगायतको उपस्थीति रहेको थियो ।