विराटनगर । संघीय मामिला तथा सामान्य प्रशासन मन्त्री अमन लाल मोदीले उद्योगी व्यवसायीहरूको समस्या सावधान गरेर अगाडी बढने बताएका छन् ।

उद्योग संगठन मोरङ, मोरङ व्यापार संघ र नेपाल उद्योग परिसंघ कोशी प्रदेशले आइतबार विराटनगरमा आयोजना गरेको भेटघाट तथा छलफल कार्यक्रममा बोल्दै मन्त्री मोदीले उद्योगी व्यवसायीहरूको समस्या सावधान गरेर सरकार अगाडी बढने बताएका हुन् ।

औद्योगिक उत्पादन, प्रवर्द्धन, आयात, निर्यात र बजारीकरण सम्बन्धी समस्या समाधानका लागि पूर्वका उद्योगी व्यवसायीको मागलाई संघिय सरकारले सहजिकरण गरेर अगाडी बढने उनले बताए । उद्योग मैत्री वातावरण बनाउन पहल गर्ने उनको भनाई छ । ‘म यही निर्वाचन क्षेत्रबाट जितेर अगाडी बढेको हो,’ मन्त्रीले मोदीले भने, ‘यहाँका औद्योगिक क्षेत्रका समस्या सुनुवाई गर्न आफुले पहल र प्रत्यत्न गर्न सधै भरी लागि पर्नेछु ।’
उद्योगी व्यवसायीहरूले कोशी प्रदेशबाट उत्पादन भएको बस्तु निर्यातमा सहजिकरण राज्यले गरिदिनुपर्ने माग राखे । उनीहरुले अहिले भइरहेको विद्युतको समस्याको सावधान गर्न पनि माग राखे । कार्यक्रममा नेपाल उद्योग परिसंघ कोशी प्रदेशका अध्यक्ष भीम घिमिरे, उद्योग संगठन मोरङका अध्यक्ष राकेश सुरना, उपाध्यक्ष नन्दकिशोर राठी, मोरङ व्यापार संघका अध्यक्ष नविन रिजाललगायतका सहभागि उद्योगी व्यवसायीहरूले औद्योगिक उत्पादन, प्रवर्द्धन, आयात, निर्यात र बजारीकरण सम्बन्धी समस्या समाधानका लागि राज्यले पहल गरिदिनुपर्नेमा जोड दिए ।