विराटनगर । विराटनगरमा बैंकबाट पैसाँ झिकेका एक जना व्यापारीमाथि बिहीबार दिउँसो खुकुरी प्रहार भएको छ । विराटनगर १५ निवासी ३२ वर्षीय राहुलकुमार रायमाथि स्थानीय रामकुमार साहले खुकुरी प्रहार गरेका हुन् ।

ट्राफिक चोकमा उनले ग्लोबल बैंकबाट पैसाँ झिकेपछि खुकुरी प्रहार हुँदा उनको हातमा चोट लागेको छ । घाइतेको अहिले विराट नर्सिङ होममा उपचार भइरहेको छ। घाइते रायको जोगबनीमा किराना पसल छ । उनीमाथि हमला गर्ने साहलाई प्रहरीले पक्राउ गरेको मोरङ प्रहरीका प्रवक्ता डिएपी रन्जन कुमार दाहालले जानकारी दिए । पक्राउ परेका घाइते हुनेका साथी हुन् । पुरानो रिसीबिलाई लिएर उनीमाथि आक्रमण भएको प्रहरीले जनाएको छ । घटनको विषयमा अनुसन्धान भइरहेको मोरङ प्रहरीले जनाएको छ ।