विराटनगर । पत्रकार कल्याण कोष मोरङले दुई जना पत्रकारलाई पुरस्कृत गरेको छ । नेपाल पत्रकार महासंघ मोरङका पूर्वअध्यक्ष तथा निरौला बिबिसी नेपाली सेवा र उद्घोष दैनिकका समचार सम्पादक विक्रम निरौला र महासंघ कार्यसमिति सदस्य उषा सरदारलाई सोमबार एक कार्यक्रमबीच कोषले पुरस्कृत गरेको हो ।

सिर्जनशील पत्रकारिता पुरस्कारबाट निरौलालाई सम्मान गरिएको छ । उनलाई ५१ हजार १५१ रुपैयाँ नगदसहित पुरस्कृत गरिएको छ । यस्तै, उदीयमान पत्रकारिता पुरस्कारबाट सरदारलाई पुरस्कृत गरिएको छ। उनलाई ३१ हजार १५१ रुपैयाँ पुरस्कारले सम्मान गरिएको छ । सरदार मकालु टिभीकी संवाददाता हुन् ।

पुरस्कृत दुवै जनालाई कार्यक्रमको प्रमुख अतिथि विराटनगर महानगरपालिका प्रमुख नागेश कोइरालाले कदर पत्र र दोसल्ला ओढाएर सम्मान गरे । कोषले हरेक वर्ष मोरङमा सक्रिय पत्रकारलाई पुरस्कृत गर्दै आएको छ ।