विराटनगर । मोरङमा कोभिड–१९ बिरुद्धको ‘फाईजर बाईभ्यालेन्ट खोप’ लगाउने भएको छ । चैत २६ गते देखि २८ गते सम्म मोरङ जिल्लाको १७ वटै स्थानीय तहको स्वास्थ्य केन्द्रहरूबाट फाइजर बाईभ्यालेन्ट खोप लगाउने भएको हो ।

पछिल्लो समय कोभिड १९ संक्रमण बढदै गएकोले यसबाट बच्न फाईजर बाईभ्यालेन्ट खोज नजिकको स्वास्थ्य केन्द्रहरुमा लगाइने स्वास्थ्य कार्यालय मोरङका खोप कार्यक्रम संयोजक कन्हैया साहले जानकारी दिए ।

खोपको पहिलो श्रृङखला जेनसेन खोपको एक मात्रा र अन्य कोभिड–१९बिरुद्ध खोपको हकमा दुई मात्रा पुरा गरी ३ महिना कटेकाको हकमा यो खोप लगाइने उनले बताए । यस्तै पहिलो बुस्टर मात्रा लगाएर ६ महिना पुरा भएका लाई दोश्रो बुस्टर मात्राको खोप लगाउने खोप संयोजक साहले बताए ।

खोप दिने लक्षित समुह ५५ बर्ष भन्दा माथिका उमेर समुहमा पहिलो बुस्टर मात्राको खोप लगाइनेछ । १२ बर्ष माथिका दिर्घ रोग भएका व्यक्तिहरु, गर्भवतीहरु र रोग प्रतिरोध क्षमता कम भएका व्यक्तिहरुलाई पहिलो बुस्टर मात्रा लिन बाँकी लाई पनि पहिलो बुस्टर मात्राको खोप लगाइने बताइएको छ ।
‘ माथि उल्लेखित लक्षित समुहले पहिलो बुस्टर मात्रा लगाएर ६ महिना पुरा भएमा दोश्रो बुस्टर मात्राको खोप दिइनेछ,’ स्वास्थ्य कार्यालय मोरङका खोप संयोजक साहले भने ।