विराटनगर । हस्तकला सम्बन्धी सिपमुलक एक हप्ते तालिम सम्पन्न भएको छ । करुणा फाउन्डेसन नेपाल र फेयर मेड फाउन्डेसनको आयोजनामा अपाङ्गता भएका ब्यक्ति, परिवारका सदस्यहरू र कुष्ठ तथा हात्तीपाइले प्रभावित व्यक्तिहरूका लागि हस्तकला सम्बन्धी सिपमुलक तालिममा सोमबार सम्पन्न भएको हो ।

फागुन २९ देखि सुरु भएको तालिम चैत ७ गते सुनसरीको तरहरास्थित कृषी अनुसन्धान निर्देशानलयमा उक्त तालिम भएको थियो । तालिममा १९ जनाको सहभागिता रहेको थियो । अपाङ्गता भएका ब्यक्ति उनका परिवारका सदस्यहरू र कुष्ठ तथा हात्तीपाइले प्रभावित व्यक्तिहरूलाई आत्मनिर्भर बनाउने उद्देश्यले तहस्तकला सम्बन्धी सिपमुलक तालिम दिएको करुणा फान्डेसनका व्यवस्थापक सन्तोष घिमिरेले जानकारी दिए । तालिममा १९ जनाको सहभागिता रहेको थियो । उक्त तालिमको प्रशिक्षकहरुमा नेपाल उद्यमशील महिला संघ झापाकी सदस्य निर्मला चौहान भण्डारी, भवानी कार्की र सुमित्रा अधिकारी भण्डारीले दिएकी थिइन् ।