विराटनगर । एक जना भारतीय सवारी चालकले मदिरा सेवन गरी विराटनगरमा सवारी दुर्घटना गराएका छन् । भारतको पूर्णिया घर भएका २१ वर्षीय अबदेश साहले सोमबार मदिरा सेवन गरेर उनले चलाएको कारले एम्बुलेन्स र मोटरसाइकललाई ठक्कर दिएका हुन् ।

साहले चलाएको बीआर ११ एड बलु ६४०९ नम्बरको कारले बुढीगंगा गाउँपालिका २ टंकिसिनवारीमा र विराटनगर ४ कञ्चनवारिमा प्रदेश नं. १, ३२२२ नम्बरको स्कुटरलाई ठक्कर दिएको मोरङ ट्राफिक प्रमुख राजकुमार कार्कीले जानकारी दिए । कारको ठक्करबाट मानवीय क्षति भने भएको छैन । एम्बुलेन्स र स्कुटरलाई क्षति भएको छ । स्कुटर चालक विराटनगर ४ का उमेश पोखरेल नोबल हस्पिटलबाट पूर्वतर्फ जाँदै गर्दा कन्चन बारी चौकमा ठक्कर दिएको थियो । 

मदिरा सेवन गरी कार चलाउने चालक साहलाई जिल्ला प्रहरी कार्यालय मोरङमा राखिएको छ । मोरङ प्रहरीले कार चालक साहलाई कारबाहीको प्रक्रिया अगाडी बढाउने तयारी गरेको छ ।