विराटनगर । हिसान स्पोर्ट्स मिटमा विराटनगरस्थित मेरील्याण्ड कलेजका दुइ जना छात्राले स्वर्ण पदक जितेका छन् । हिसान स्पोर्ट्स मिट अन्र्तगत टेबल टेनिस प्रतियोगितामा सौगात कोइराला र प्रतिकजंग बस्नेतले स्वर्ण पदक जितेका हुन् ।

कोइराला र बस्नेतले छात्रतर्फ स्वर्ण पदक जितेका हुन् । सोही विधाको छात्रातर्फ भावना खड्का र रोनिसा बस्नेतले कास्य पदक जितेका छन् । दौड प्रतियोगितामा सुस्मिता चौधरीले रजत पदक जितेका छन् । मेरील्याण्ड कलेजका विद्यार्थीहरूले क्रिकेट, भलिबल, फुटबललगायतका अन्य विभिन्न खेलकुद विधाहरुमा भाग लिएको कलेजका प्रिन्सिपल लक्ष्मण ढकालले जानकारी दिए ।

मेरील्याण्ड कलेजले गुणस्तरीय शिक्षा सँगै अतिरिक्त क्रियाकलपहरुमा पनि विशेष जोड दिने गरेको छ । जसले गर्दा विद्यार्थीहरुले अतिरिक्त क्रियाकलपामा पनि उत्कृष्ट हुने गरेको छ । व्यवस्थापन शिक्षामा अब्बल सावित भएको मेरील्याण्डले प्रत्येक वर्ष स्पोर्ट्स मिट गरेर विद्यार्थीहरुलाई खेलकुदको क्षेत्रमा आवद्ध गराउने गरेको प्रिन्सिपल ढकालले बताए । ‘यस्ता खेलकुदले विद्यार्थीहरुको भएको प्रतिभा प्रस्फुटनमा ठूलो सहयोग पुग्नेछ,’ कलेजका प्रिन्सिपल ढकालले भने, ‘विद्यालयस्तरदेखि हुने खेलकुद क्षेत्रले खेलक्षेत्रको विकासमा पनि ठुलो सहयोग पुग्नेछ ।’