विराटनगर । भारतदेखि अवैध रूपमा चोरी तस्करी गरी कपडा ल्याउने चार जना पक्राउ परेका छन् । इलका प्रहरी कार्यालय रानी विराटनगरले तस्करीको कपडासहित सोमबार चार जनालाई पक्राउ गरेको हो ।

पक्राउ पर्नेमा विराटनगर महानगरपालिका १५ का १८ वर्षीय सहबाज आलम, सोही ठाउँका २० वर्षीय महरिया खातुन, ३० वर्षीया खातुन मिया र सुनसरी बर्जु गाउँपालिका ३ का ३५ वर्षीय महेश शाह रहेको मोरङ प्रहरीका प्रवक्ता डिएसपी दिपक श्रेष्ठले जानकारी दिए । पक्राउ परेका प्रतिवादीहरूले बिराटनगर – १६ दरैया उखुबारी छेउ स्थित बाट अवैध रुपमा भारत बाट नेपाल तर्फ लुकाई छिपाई बोरामा प्रदेश १–०४–००१ ह. ०१८० नम्बरको सिटिमा लोड गरी विराटनगरको बजार ल्याउने क्रममा बरामद गरेको हो ।

प्रहरीले लेगिन्ज १० पिस, लेडिज सुईटर ३३ पिस, बच्चाको सर्ट २ पिस, जेन्स सुरुवाल २५ पिस, टप्स ५६ पिस , १ थान सिटि गरी ४ लाख ९८ हजार ५ सय मुल्य बरावरको अवैध कपडा र सवारी साधन बरामद गरेको मोरङ प्रहरीले जनाएको छ । बरामद गरेको कपडा, सवारी साधन र व्यक्तिहरुलाई प्रहरीले विराटनगर भन्सार कार्यालयलाई बुझाएको छ ।