विराटनगर । व्यवस्थापन संकायमा सर्वोउत्कृष्ट पहिचान बनाएको विराटनगर – ७ स्थित मेरिल्याण्ड कलेजकी छात्रा सिम्रन अग्रवालले अर्काे सफलता हात पारेकी छिन् ।
त्रिभुवन विश्व विद्यालयद्वारा हालै प्रकासीत विविएस चौथो बर्षको रिजल्टमा सिम्रनले सर्वाधिक ८१.२ प्रतिशत अंक ल्याई उत्कृष्ट भएकी हुन् ।
उनै सिम्रन अग्रवालले गत बर्षको वि वि एस तेस्रो बर्षमा ८२.२ प्रतिशत अंक ल्याई नेपाल प्रथम भएकी थिइन् भने विविएस प्रथम वर्षमा पनि ७० प्रतिशत अंक ल्याइ प्रदेश प्रथम भएकी थिइन् । त्यस्तै विविएस दोस्रो वर्षको परीक्षामा मेरिल्याण्डकी छात्रा राजलक्ष्मी अग्रवालले ७५.४ प्रतिशत ल्याई प्रदेश प्रथम भएकी थिइन् । रंगेली निवासी सिम्रन पढाइमा अत्यन्तै जेहेन्दार र लगनशिल भएको सफलता प्राप्त गरेकी कलेजका प्रिन्सीपल लक्ष्मण ढकालले बताए । विविएस तेस्रो बर्षमा नेपाल प्रथम भएको कारणले कलेजले उनलाई नगद २५ हजार पुरस्कारले सम्मानीत गरेको थियो ।
सिम्रनका बुबा रमाकान्त अग्रवाल कलेजको उत्कृष्ट शैक्षीक वातावरणले पनि आफ्नी छोरी लगातार उत्कृष्ट हुन सफल भएको बताए । त्यस्तै २०७६ सालमा वि वि एस चौथो बर्षमा छात्र रोहीत कार्कीले ८४ प्रतिशत अंक ल्याई नेपाल प्रथम भएका थिए । यसैगरी २०७८ सालमा राष्ट्रिय परीक्षा बोर्डद्वारा लिइएको कक्षा – १२ को परीक्षामा दिया अग्रवालले नेपालमै उच्च ३.९६ जिपिए ल्याई नेपाल प्रथम भएकी थिइन् ।
उक्त खुसियालीमा कलेजले एक भव्य समारोह गरी दियालाई नगद ५१ हजार सहित सम्मान गरेको थियो ।