विराटनगर । विराटनगर १० स्थित मानव सेवा आश्रममा नेपाल औषधी व्यवसायी संघ मोरङले स्वास्थ्य सामाग्री वितरण गरेको छ ।

नेपाल औषधी व्यवसायी संघका संस्थापक सदस्य तत्कालनी मेचि, कोशि, सगरमाथा अञ्चलको संस्थापक अध्यक्ष लक्ष्मीनाथ उप्रेतीको २९ औं स्मृति दिवसको अवसरमा आश्रममा शनिबार स्वास्थ्य सामाग्री वितरण गरेको हो ।

स्वास्थ्य सामाग्री अग्रज औषधी व्यवसायी शेखरनाथ उप्रेती, नेपाल औषधी व्यवसायी संघ मोरङका अध्यक्ष लक्ष्मी तिम्सिना, उपाध्यक्ष देशबन्धु ढकाल, सदस्य सरीता श्रेष्ठलगायतले मानवसेवा आश्रमलाई हस्तान्तरण गरेका थिए ।

मानव सेवा आश्रमले सडकमा जीवन बिताउँदै आई रहेका मानिसहरूलाई सेवा पु¥याउँदै आइरहेको छ । उक्त आश्रमले अर्ध चेत अवस्थाका आमाबुवा हेरचाह गर्दे आएको छ । नेपाल औषधी व्यवसायी संघका संस्थापक सदस्य तत्कालनी मेचि, कोशि, सगरमाथा अञ्चलको संस्थापक अध्यक्ष लक्ष्मीनाथ उप्रेतीको स्मृति दिवसको संघले प्रत्येक वर्ष कार्यक्रम गरी सम्झीने नेपाल औषधी व्यवसायी संघ मोरङका उपाध्यक्ष तथा प्रवक्ता ढकालले जानकारी दिए ।