विराटनगर, ३० असोज । विराटनगरस्थित खार्जीमा मातृ तथा बाल स्वास्थ्य शिक्षा सम्बन्धी सचेतनामुलक कार्यक्रम सम्पन्न भएको हो । आइतबार रोटरी क्लब अफ विराटनगरको आयोजनामा खार्जीस्थित ज्योती आधारभूत विद्यालयमा कार्यक्रम सम्पन्न भएको हो ।

सो अवसरमा क्लबकी चार्टर प्रेसिडेन्ट तथा वरिष्ठ स्त्री तथा प्रसुती रोग विषेशज्ञ डा. ममता वर्माले महिनावरीको समयमा अपनाइनुपर्ने सावधानी, सरसफाई र स्वास्थ्यबारे जानकारी गराएकी थिइन् ।

कार्यक्रममा महिला तथा किशोरीहरुलाई आइरन चक्कीसमेत वितरण गरिएको थियो । कार्यक्रममा ७० जना महिला र किशोरीहरुको सहभागीता रहेको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।