विराटनगर । विराटनगरस्थित सेन्ट्रल मलमा ‘दसैँ तिहार उत्सव’ सुरु भएको छ । चाडपर्वलाई लक्षित गरी घटस्थापनाको दिनदेखि सेन्ट्रल मलमा दसैँ तिहार उत्सव सुरु भएको हो ।

असोज १० देखि कार्तिक १३ गतेसम्म सेन्ट्रल मलमा दसैँ तिहार उत्सव सुरु भएको छ । दसैँ तिहार उत्सवमा सेन्ट्रल मलमा पाँच सय वा सोभन्दा माथिको खरिद गर्ने ग्राहकले लक्की कुपन पाउनेछन् । यस्तो कुपन पाउनेहरूमध्येबाट हरेक दिन सेन्ट्रल मल्टिप्लेक्स मुभी टिकेट, फुड कुपन, हाई लाइफ गिफ्ट कुपन र अन्य अफरहरु पाउने गरी लक्की ड्र गराइनेछ । लक्की ड्र मार्फत हरेक दिन एक जनाले ३२ इन्चको टिभी, एक वर्षको इन्टरनेट फ्री र चाँदीको सिक्का प्राप्त गर्नेछन् ।

सेन्ट्रल मलमा अहिले दैनिक जसो राष्ट्रिय कलाकारहरूबाट साङ्गीतिक प्रस्तुति समेत हुने गरेको छ । घटस्थापनाको दिन चर्चित गायिका इन्दिरा जोशीले सेन्ट्रल मलमा आफ्नो चर्चित गीत प्रस्तुत गरी सहभागीहरूलाई भरपुर मनोरञ्जन प्रदान गरिन् । उनले एक दर्जन बढी गीत प्रस्तुत गरी सेन्ट्रल मलमा आएका दर्शकहरूलाई मनोरञ्जन प्रदान गरिन् ।