विराटनगर । पाँचौँ संस्करणको मिस्टर एन्ड मिस लिटल कोशीको पहिलो अडिसन सम्पन्न भएको छ । प्रतियोगिताको पहिलो अडिसन विराटनगरमा सम्पन्न भएको हो । पहिलो अडिसनमा ७० जना बालबालिकाहरूको सहभागिता रहेको थियो ।

जय मिडिया म्यानेजमेन्ट प्रालिको आयोजनामा यो प्रतियोगिता हुँदै आएको छ । जय मिडियाले बालबालिकाहरूमा भएको प्रतिभा प्रस्फुटन गर्ने उद्देश्यले आयोजना गरेको यो प्रतियोगिता प्रदेश १ को सबैभन्दा ठुलो हो । विगत चार वर्षदेखि उक्त प्रतियोगिता हुँदै छ ।

दोस्रो अडिसन असोज १६ गते इनरुवा र इटहरीमा हुनेछ । असोज १७ गते धरान र विराटनगमरा हुनेछ सिइओ निशा खतिवडाले बताइन् । अडिसनमा सहभागिहरूको लागि आवेदन पनि खुल्ला गरिएको छ । अडिसन सकिएपछि छनौट भएका प्रतियोगहरूलाई दशै र तिहारको बिचमा प्रशिक्षण दिने जय मिडिया म्यानेजमेन्टका चियरमेन जय राज रायले जानकारी दिए । विजेताहरूले जनही ३०–३० हजार रुपैयाँको साथै विभिन्न गिफ्ट ह्याम्पर प्राप्त गर्नेछन् ।