राशिफल

ट्रक व्यवसायी संघमा चुनाव नगराउने षड्यन्त्र, उच्च अदालतले दियो अल्पकालीन आदेश

 न्यूज विराट
ट्रक व्यवसायी संघमा चुनाव नगराउने षड्यन्त्र, उच्च अदालतले दियो अल्पकालीन आदेश

विराटनगर । विराटनगर ट्रक व्यवसायी संघलाई साधारण सभा तत्काललाई नगर्नु नगराउनु भनी उच्च अदालत विराटनगरले संघका नाउँमा अल्पकालीन आदेश जारी गरेको छ ।
निवेदक मेघराज सिग्देल सहितले उच्च अदालत विराटनगरमा विपक्षी विराटनगर ट्रक व्यवसायी संघका विरुद्धमा निषेधाज्ञायुक्त उत्प्रेषण परमादेशका लागि दायर गरेको मुद्दामा उच्च अदालतका न्यायाधीश जगतनारायण प्रधानको एकल इजलासले साधारणसभा रोक्न अल्पकालीन अन्तरिम आदेश बिहीबार दिएको हो ।

२०७६ साल पुस २७ गते गठन भएको विराटनगर ट्रक व्यवसायी संघको वर्तमान कार्यसमितिको कार्यकाल २०७८ साल पुस २६ गते समाप्त भैसकेकोमा सो कार्यसमितिको कार्यकाल नौ महिना वितिसक्दा पनि अधिवेशन बोलाई नयाँ कार्यसमितिको निर्वाचन गराउने सुरसार गरिएको छैन । वर्तमान कार्यसमिति अवैधानिक हो भन्दै विधान अनुसार नयाँ निर्वाचन गराउन माग गर्दा पनि अध्यक्ष लक्ष्मी प्रसाईले बेवास्ता गरी आगामी शनिबार साधारणसभा बोलाएपछि साधारण सदस्यहरू वर्तमान कार्यसमितिका विरुद्धमा उभिएका हुन् ।

संघका पूर्व अध्यक्ष विनोद खड्कासहित कार्यसमितिका ६ जना सदस्यहरू र दुई जना सल्लाहकारहरू समेतले गत साउन २२ गते जिल्ला प्रशासन कार्यालय मोरङमा अधिवेशन गराउन निर्देशन दिन निवेदन दर्ता गराएका थिए । जिल्ला प्रशासन कार्यालयले कार्यसमितिको राय मागेकोमा विधान विपरीत संघका अध्यक्ष लक्ष्मी प्रसाईंले पठाएको राय अनुसार जिल्ला प्रशासन कार्यालयले पनि गलत आदेश दिएको थियो ।
दुई तिहाई सदस्यहरूले अधिवेशनको माग गर्दा पनि अधिवेशन नगरी साधारण सभा मात्र गर्ने निर्णय गरेपछि संघका पूर्व अध्यक्ष एवं पदाधिकारीहरूसहित सदस्यहरूले अधिवेशनको माग गर्दै उच्च अदालत विराटनगरमा मुद्दा दायर गरेका हुन् । अदालतले दुवै पक्षलाई छलफलका लागि शुक्रबार बोलाएको छ । वर्तमान कार्यसमितिका अध्यक्ष लक्ष्मी प्रसाईका विरुद्धमा निवर्तमान अध्यक्ष , उपाध्यक्ष , महासचिव , सचिव , कोषाध्यक्ष र ६ जना सदस्यहरू छन् र पनि अध्यक्ष प्रसाईले एकल निर्णयले पेलेर आफूखुसी काम गर्दै आएको कार्यसमितिको पदाधिकारीहरू बताउँछन् ।

सम्बन्धित समाचार

एभरेष्टमा चाँडपर्वको अवसरमा बिविध कार्यक्रम

विराटनगर । एभरेष्ट एजुकेशन फाउण्डेसन अन्तर्गत सञ्चालित विराटनगर– ५ स्थित एभरेष्ट मन्टेश्वरी विद्यालयमा आज मुख्य चाँडपर्वहरुको अवसरमा विभिन्न कार्यक्रम गरिएको छ । नेपालीहरुका महान पर्वहरु बडादशैं, तिहार, छठलगायतका पर्व कसरी मनाइन्छ भन्ने  झल्को दिने गरि...

मापसेसँगै मोरङ ट्राफिक प्रहरीको लापसे अभियान पनि सुरु

विराटनगर । सार्वजनिक सवारीसाधनका कर्मचारी (चालक, सहचालक, परिचालक) लाई लक्षित गरेर मोरङ ट्राफिक प्रमुख प्रहरीले विराटनगरमा लापसे (लागू पदार्थ सेवन) सम्बन्धी चेकजाँच अभियान सुरु गरिएको छ ।नेपाल प्रहरीको लागूऔषध नियन्त्रण ब्युरोसँग समन्वय गरेर ट्राफिक प्रहरीले...

विराटनगरमा पर्यटन सूचना केन्द्रको स्थापना

विराटनगर । नेपाल उद्योग वाणिज्य महासंघ प्रदेश नम्बर १ को सचिवालयमा पर्यटन सूचना केन्द्रको स्थापना गरिएको छ ।पर्यटन दिवसको अवसरमा मंगबलार विराटनगरस्थित नेपाल उद्योग वाणिज्य महासंघ प्रदेश १ को सचिवालयमा पर्यटन सुचना केन्द्र स्थापना गरिएको...

औषधी व्यवसायी देशबन्धु ढकालले जन्मदिन वृद्धाश्रममा मनाए

विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च...