विराटनगर । विराटनगरस्थित ग्रेडेड बोर्डिङ स्कुलमा राधाकृष्ण पोषक प्रतियोगिता आयोजना गरेको छ । स्कुल परिसरमा बिहीबार एक कार्यक्रम आयोजना गरी पोषक प्रतियोगिता आयोजना गरेको हो ।

उक्त प्रतियोगितामा कक्षा नर्सरीदेखि कक्षा एसकेजीसम्म ६४ जना विद्यार्थीको सहभागिता रहेको थियो । कक्षा नर्सरीमा राधातर्फको प्रथम नातासा कटुवाल, द्वितीय दिलासा बन्जारा र तृतीय रियान्सा निरौला भइन् । सोही कक्षामा भएको कृष्णतर्फको प्रथम सलोन कार्की, प्रोज्ज्वल राना र प्रोज्ज्वल राजवंशी तृतीय भए ।

यस्तै कक्षा जेकेजीमा राधातर्फको प्रथम प्रनवी अधिकारी, द्वितीय दिया राजवंशी र तृतीय रियान्सा निरौला भइन् । यस्तै कृष्णतर्फको प्रथम आरोग्य अधिकारी, ईशान यादव र हेनिस कटुवाल घोषित भए ।
यस्तै कक्षा युकेजीमा राधातर्फको प्रथम गरिमा राजवंशी, द्वितीय निस्मा डङ्गोल र तृतीय इशिका राजवंशी भइन् । कृष्णतर्फको प्रथम प्रोज्ज्वल सरदार, सामान्यू देव सिंह र तृतीय अङ्कित कामत घोषित भए ।
प्रतियोगिताको निर्णायकहरूमा नृत्य निर्देशक ओम प्रकाश बस्नेत र नेपाल कलाकार सङ्घको सदस्य कल्पना आचार्य रहेकी थिइन् ।