राशिफल

ग्रीन टायर्सले स्वदेशी रबर प्रयोग गरी ट्याक्टर र हाते ट्याक्टरका टायर उत्पादन गर्दै

 न्यूज विराट
ग्रीन टायर्सले स्वदेशी रबर प्रयोग गरी ट्याक्टर र हाते ट्याक्टरका टायर उत्पादन गर्दै

विराटनगर, २६ साउन । ग्रीन टायर्स प्रालिले कृषि क्षेत्रका लागि टायर उत्पादन गर्ने प्रकृया अघि बढाएको छ । यस उद्योगले कृषि क्षेत्रमा प्रयोग गरिने ट्याक्टर र हाते ट्याक्टरका लागि शेर्पा ब्राण्डको भूमि, सारथी मोडलका ठूला र साना टायर उत्पादन गर्न लागेको हो । सो मोडलअन्तर्गत कम्पनीले विभिन्न साइजका टायर उत्पादन गरि बजारमा ल्याउन लागेको जनाइएको छ ।

कम्पनीका अनुसार सो कम्पनीद्वारा उत्पादित टायरमा बढी ट्रेक्सन र ग्रीप रहेको छ भने बढी एनएसडी पनि रहेको छ । सो उत्पादनमा पन्चर रेसिस्टेन्ट प्याच पनि उपलब्ध रहेको कम्पनीले जनाएको छ ।

नेपाली कृषिलाई सुहाउँदो टायर तथा विदेशी टायरसँग प्रतिष्पर्धा गर्न सक्षम नेपाली टायर उत्पादन गरि यस कम्पनी उदाहरणीय बनेको छ । यस कम्पनीले नेपालमै उत्पादित स्वदेशी रबर पनि प्रयोगमा ल्याउन थालेको छ ।

गुणस्तरलाई ध्यानमा राखी नेपाली किसानलाई पनि बेलाबेलामा स्वदेशमा गुणस्तरीय रबर उत्पादन गर्न सकिने तालिमसमेत कम्पनीले दिँदै आएको छ । नेपालमा उत्पादित सो टायरका मोडल विदेशी टायरको तुलनामा आकर्षक, गुणस्तरीय, सस्तो र भरपर्दो छ ।

सो कम्पनीले शेर्पा ब्राण्डका टायर सजिले ग्राहक तथा कृषकमाझ पुर्याउन नेपालभरी डिलरशिपको आवेदन दिन आह्वानसमेत गरेको छ । कम्पनीका सबै टायरमा म्यानुफ्याक्चरिङ वारेन्टी रहेको र सबै टायर अन्तर्राष्ट्रिय गुणस्तर (आइएसओ) मापदण्डअनुसार उत्पादन गरिएको कम्पनीले जनाएको छ ।

ट्याक्टरमा लाग्ने सम्पूर्ण साइजका टायर सो कम्पनीले उत्पादन सुरु गरेको छ भने आगामी तीन महिनाभित्रमा ट्रलीमा लाग्ने टायर पनि बजारमा ल्याउने तयाी गरिएको सञ्चालक विनित सिंघानियाले जानकारी दिए ।

उनले आगामी दिनमा कमर्शियल हेभी इक्यूप्मेन्ट ट्रक टायरलगायत विभिन्न प्रकारका टायर उत्पादन गर्ने कम्पनीको योजना रहेको बताए ।

नेपालमा टायर उत्पादनको राम्रो सम्भावना र भविष्य पनि सुन्दर रहेकाले कम्पनीले भविष्यमा लगानी बढाउने योजना समेत रहेको जानकारी दिएको छ । २०७३ सालमा स्थापित ग्रीन टायर्स उद्योग प्रालिले विगत ६ वर्षदेखि स्वदेशमै टायर उत्पादन गरि विदेशी परनिर्भरता निरुत्साहित गर्दै आएको छ ।

‘मेरो देश, मेरै उत्पादन’ अभियानलाई सो उद्योगले पूर्णरुपमा आमसाथ गर्दै आएको छ । स्थापना कालमा टु ह्वीलर टायर उत्पादन सुरु गरेको सो उद्योगले हाल टु र थ्री ह्वील टायर उत्पादन गर्दै आएको छ ।

४० करोड रुपैयाँको लगानीमा सञ्चालित सो उद्योगले एक सय जना बढीलाई प्रत्यक्ष रोजगारी दिएको छ । हाल सो उद्योगको उत्पादन क्षमता वार्षिक तीन लाख टायर रहेको छ ।

सम्बन्धित समाचार

एभरेष्टमा चाँडपर्वको अवसरमा बिविध कार्यक्रम

विराटनगर । एभरेष्ट एजुकेशन फाउण्डेसन अन्तर्गत सञ्चालित विराटनगर– ५ स्थित एभरेष्ट मन्टेश्वरी विद्यालयमा आज मुख्य चाँडपर्वहरुको अवसरमा विभिन्न कार्यक्रम गरिएको छ । नेपालीहरुका महान पर्वहरु बडादशैं, तिहार, छठलगायतका पर्व कसरी मनाइन्छ भन्ने  झल्को दिने गरि...

मापसेसँगै मोरङ ट्राफिक प्रहरीको लापसे अभियान पनि सुरु

विराटनगर । सार्वजनिक सवारीसाधनका कर्मचारी (चालक, सहचालक, परिचालक) लाई लक्षित गरेर मोरङ ट्राफिक प्रमुख प्रहरीले विराटनगरमा लापसे (लागू पदार्थ सेवन) सम्बन्धी चेकजाँच अभियान सुरु गरिएको छ ।नेपाल प्रहरीको लागूऔषध नियन्त्रण ब्युरोसँग समन्वय गरेर ट्राफिक प्रहरीले...

विराटनगरमा पर्यटन सूचना केन्द्रको स्थापना

विराटनगर । नेपाल उद्योग वाणिज्य महासंघ प्रदेश नम्बर १ को सचिवालयमा पर्यटन सूचना केन्द्रको स्थापना गरिएको छ ।पर्यटन दिवसको अवसरमा मंगबलार विराटनगरस्थित नेपाल उद्योग वाणिज्य महासंघ प्रदेश १ को सचिवालयमा पर्यटन सुचना केन्द्र स्थापना गरिएको...

औषधी व्यवसायी देशबन्धु ढकालले जन्मदिन वृद्धाश्रममा मनाए

विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च...