राशिफल

नवौं राष्ट्रिय खेलकुदमा प्रदेश १ ले ३४ वटा खेलमा सहभागीता जनाउने, ७८२ जनाको सहभागीता

 न्यूज विराट
नवौं राष्ट्रिय खेलकुदमा प्रदेश १ ले ३४ वटा खेलमा सहभागीता जनाउने, ७८२ जनाको सहभागीता

विराटनगर,२६ साउन । लनमा गण्डकी प्रदेशको पोखरामा हुने नवौं राष्ट्रिय खेलकुद प्रतियोगितामा प्रदेश १ ले ३४ वटा खेलमा सहभागीता जानाउने भएको छ । बिहिबार १ प्रदेश खेलकुद विकास बोर्डले विराटनगरमा पत्रकार सम्मेलन गर्दै सो बारे जानकारी दिएको हो ।

पत्रकार सम्मेलनमा प्रदेश खेलकुद विकास बोर्डले गण्डकी प्रदेशको पोखरामा आगामी २८ असोज देखि ३ कात्तिकसम्म सञ्चालन हुने प्रतियोगितामा प्रदेश १ बाट ६ सय ९४ खेलाडी सहित ७ सय ८२ जनाको सहभागिता हुने जानकारी दिएको छ ।

बोर्डका सदस्य सचिव हंसराज वाग्लेले प्रतियोगितामा प्रदेशले विभिन्न खेलमा २० वटा स्वर्ण पदक जित्ने विश्वास व्यक्त्त गरे । उनले भदौ महिनाको २ गतेदेखि ७ गतेसम्म जिल्ला छनौट तथा भदौ १० गतेदेखि १९ गतेसम्म प्रदेशस्तरीय वृहत खेलकूद प्रतियोगितामा ४ सय ५ वटा इभेन्टसहरुवाट ६ सय ९४ जना खेलाडी छनौट गर्ने तालीका सार्वजनिक गरिएको बताए ।

सदस्य सचिव वाग्लेले राष्ट्रिय खेलकूद प्रतियोगितामा सहभागिता जनाउनका लागि १० करोड रुपैयाँ बजेट आवश्यक भएकोमा प्रदेश सरकारबाट अहिले ५० लाख तथा राष्ट्रिय खेलकूद परिषदबाट ४९ लाख प्राप्त भएको जानकारीसमेत दिए ।

प्रतियोगितामा सहभागिताका लागि प्रदेशका १४ जिल्लामा छनोट कार्यक्रम गर्ने र खेलाडीहरुबाट खेलमा उत्कृष्ट सफलता प्राप्त गर्नका लागि वैज्ञानिक ढङ्गले बन्द प्रशिक्षणको व्यवस्था गरिएको बार्डकी सदस्य रोशनी राईले बताइन् ।

उनका अनुसार प्रतियोगितामा प्रदेशका खेलाडीहरुले २ सय ७४ स्वर्ण पदकका लागि प्रतिस्पर्धा गर्ने छन् भने उक्त खेलकुदमा प्रदेश १ उत्कृष्ट बन्ने दावी गरिन् ।
प्रदेशले १ ले आठौं राष्ट्रिय खेलकुद प्रतियोगितामा नौ स्वर्ण, २० रजत र ५९ वटा कास्य सहित सातौं स्थान प्राप्त गरेको थियो ।

सम्बन्धित समाचार

एभरेष्टमा चाँडपर्वको अवसरमा बिविध कार्यक्रम

विराटनगर । एभरेष्ट एजुकेशन फाउण्डेसन अन्तर्गत सञ्चालित विराटनगर– ५ स्थित एभरेष्ट मन्टेश्वरी विद्यालयमा आज मुख्य चाँडपर्वहरुको अवसरमा विभिन्न कार्यक्रम गरिएको छ । नेपालीहरुका महान पर्वहरु बडादशैं, तिहार, छठलगायतका पर्व कसरी मनाइन्छ भन्ने  झल्को दिने गरि...

मापसेसँगै मोरङ ट्राफिक प्रहरीको लापसे अभियान पनि सुरु

विराटनगर । सार्वजनिक सवारीसाधनका कर्मचारी (चालक, सहचालक, परिचालक) लाई लक्षित गरेर मोरङ ट्राफिक प्रमुख प्रहरीले विराटनगरमा लापसे (लागू पदार्थ सेवन) सम्बन्धी चेकजाँच अभियान सुरु गरिएको छ ।नेपाल प्रहरीको लागूऔषध नियन्त्रण ब्युरोसँग समन्वय गरेर ट्राफिक प्रहरीले...

विराटनगरमा पर्यटन सूचना केन्द्रको स्थापना

विराटनगर । नेपाल उद्योग वाणिज्य महासंघ प्रदेश नम्बर १ को सचिवालयमा पर्यटन सूचना केन्द्रको स्थापना गरिएको छ ।पर्यटन दिवसको अवसरमा मंगबलार विराटनगरस्थित नेपाल उद्योग वाणिज्य महासंघ प्रदेश १ को सचिवालयमा पर्यटन सुचना केन्द्र स्थापना गरिएको...

औषधी व्यवसायी देशबन्धु ढकालले जन्मदिन वृद्धाश्रममा मनाए

विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च...