विराटनगर । विराटनगरस्थित कान्तिपुर कलेज गुणस्तरीय शिक्षा प्रदान गरी अभिभावक र विद्यार्थीको रोजाइमा परेको छ । दक्ष, एवं योग्य प्राध्यापक र शिक्षकहरूबाट पठनपाठन हुने कान्तिपुर अहिले विद्यार्थीको पहिलो रोजाइको केन्द्रमा पर्ने गरेको हो ।

विज्ञान, कम्प्युटर विज्ञान, व्यवस्थापन र होटल व्यवस्थापन संकायमात्र पठनपाठन हुने कान्तिपुरले प्रत्येक वर्ष उत्कृष्ट नतिजा ल्याउँदै आएको छ । स्थापनाको छोटो समयमा नै सर्वोत्कृष्ट नतिजा ल्याएको कलेज प्रमुख भुवन नेपालले बताए । ‘उच्च शैक्षिक वातावरण रहेको र विद्यार्थीलाई करिअर डेभलपमेन्ट अपरचुनिटीको प्रचुर सम्भावना रहेको यो कलेज हाल पनि काठमाडौँ बाहिरका उत्कृष्ट कलेजमा पर्दछ,’ कलेज प्रमुख नेपालले भने, ‘दक्ष, अनुभवी र सधैँ माया र हौसला दिने प्राध्यापक र शिक्षकहरू रहनु पनि यो कलेजको सफलता हो ।’ अहिले पनि कान्तिपुरबाट पास भएका विद्यार्थीहरू देश विदेशमा नाम राख्न सफल छन् ।

कलेजले विद्यार्थीलाई नियमित मूल्याङ्कन गरी वर्षै भरी विशेष कोचिङको व्यवस्था गर्ने कलेजमा शतप्रतिशतसम्म छात्रवृत्तिको पनि व्यवस्था छ । गुणस्तरीय शिक्षा प्रदान गरेको कारणले विराटनगरका मात्र नभएर पूर्व मेचीदेखि मधेस प्रदेशको जनकपुर, सिराहा, सप्तरी, बागमती प्रदेश र अन्य विभिन्न जिल्लाहरूका विद्यार्थीको रोजाई नै कान्तिपुर बनेको छ । कलेजले नयाँ शैक्षिक सत्र को लागि कक्षा ११ मा भर्ना खुलाएको छ । मङ्गलवार ९ देखि १० बजेसम्म हुने प्रवेश परीक्षा लिने कलेजले जनाएको छ । नयाँ भर्ना लिन कलेजले प्रवेश परीक्षा लिएको कलेज प्रमुख नेपालले बताए । सोमबारसम्म १ हजार ५ सय भन्दा बढी विद्यार्थी प्रवेश परीक्षामा सहभागी जनाउन फारम लिएर गएको उनले बताए ।