अमेरिकासँग सैन्य गठबन्धन हुँदैन, हामी यसमा प्रस्ट छौँ: प्रधानसेनापति शर्मा - News Birat

अमेरिकासँग सैन्य गठबन्धन हुँदैन, हामी यसमा प्रस्ट छौँ: प्रधानसेनापति शर्मा

न्यूज विराट

काठमाडौं, ३ असार । प्रधानसेनापति प्रभुराम शर्माले अमेरिकासँग सैन्य गठबन्धन नहुने बताएका छन् ।

शुक्रबार अन्तर्राष्ट्रिय सम्बन्ध समितिमा जवाफ दिँदै प्रधानसेनापति शर्माले सैन्य गठबन्धन स्वीकार्य नहुने बताएका हुन् । उनले एसपीपी सम्झौता आफूहरूलाई मान्य नभएको पनि बताए ।

सरकारको स्वीकृतिमा एसपीपी सम्झौताका लागि अमेरिकालाई पत्र पठाएको स्वीकार गर्दै उनले भने, ‘हामीले पत्र पठाएको सत्य हो । तर, भूकम्पका बेला मानवीय सहायताका लागि पत्र लेखेका हौँ । सैन्य गठबन्धन हुनुहुँदैन भन्नेमा हामी प्रस्ट छौँ ।’

उनले सेनाले सरकार र विज्ञसँग छलफल नगरी कुनै निर्णय नलिने पनि बताए । ‘हामीले सरकार र विज्ञसँग छलफल नगरी केही निर्णय गर्दैनौं । एसपीपी हाम्रा लागि पनि मान्य छैन । यो सरकारी रूपमा आएको पनि छैन,’ उनले भने ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles