विराटनगरमा नगेश र सागरको मतान्तर ४९१९ - News Birat

विराटनगरमा नगेश र सागरको मतान्तर ४९१९

न्यूज विराट

विराटनगर, ५ जेठ । विराटनगर महानगरपालिकाको जारी मतगाणनामा गठबन्धनका तर्फबाट नेपाली कांग्रेसका मेयर पदका उम्मेदवार नागेश कोइरालाले सुरुदेखि अहिलेसम्म अग्रता कायम राखेका छन् । उनले लगातार फाराकिलो मतान्तर बढाउँदै लगेका हुन् ।

भर्खरै सार्बजनिक मतपरिणाम अनुसार ६१ हजार १ सय ३ मत गनिसक्दा कोइरालाले १९ हजार ६ सय २८ मत प्राप्त गरेका छन् । उनका प्रतिष्पर्धी एमालेका सागर थापाले १४ हजार ७ सय ९ मत ल्याएका छन् । अहिले कोइराला र थपाको मतअन्तर ४ हजार ९ सय १९ छ ।

त्यस्तै जसपाबाट विद्रोह गरि मेयर पदमा उम्मेदवारी दिएका स्वतन्त्र उम्मेदवार उमेश यादवले ६ हजार २ सय ५१ मत प्राप्त गर्दा राप्रपाका प्रल्हाद साहले ३ हजार ७ सय ८१ मत ल्याएका छन् ।

उपमेयरमा भने एमालेकी शिल्पाकार्कीले जसपाका अमरेन्द्र यादवलाई धेरै पछाडी पारेकी छिन् । कार्कीले १६ हजार ९ सय ९४ मत प्राप्त गर्दा गठबन्धनका साझा उम्मेदवार जसपाका यादवले १० हजार २७ मत मात्र ल्याएका छन् ।

राप्रपाकी विन्दा लुइँटेलले ४ हजार ५ सय ९१ मत प्राप्त गर्दा स्वतन्त्र उम्मेदवार नमिता न्यौपानेले ३ हजार ५ सय ८८ मत पाएको मुख्य निर्वाचन अधिकृतको कार्यालयले जनाएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles