विराटनगर, २ जेठ । विराटनगर महानगरपालिकामा गठबन्धनका मेयर उम्मेदवार नागेश कोइरालाले मतअन्तर बढाउँदै लगेका छन् ।

सुरुदेखिनै अग्रता कायम गरेका कोइरालाले लगातार मतअन्तर बढाउँदै लगेका हुन् । सोमबार साँझ साढे ७ बजेसम्मको मत परिणाम अनुसार कोइराला ५ हजार ९ सय ८ मतसहित अग्रस्थानमा छन् ।

उनका निकटतम प्रतिद्वन्दी एमालेका सागर थापाले ४ हजार ३ सय १३ मत प्राप्त गरेका छन् । स्वतन्त्र उम्मेदवार उमेश यादवले १ हजार ९ सय ८३ मत ल्याएका छन् ।

उपमेयरमा भने एमालेकी शिल्पा कार्कीले मतान्तर फराकिलो बनाउँदै लागेकी छिन् । उनले ४ हजार ९ सय ३३ मत प्राप्त गर्दा गठबन्धनका साझा उम्मेदवार जसपाका अमरेन्द्र यादवले ३४३२ मत ल्याएको मुख्य निर्वाचन अधिकृतको कार्यालयले जनाएको छ ।