निर्वाचन भयरहित र पारदर्शी बनाउन मोरङका प्रजिअ दाहालको निर्देशन - News Birat

निर्वाचन भयरहित र पारदर्शी बनाउन मोरङका प्रजिअ दाहालको निर्देशन

न्यूज विराट

विराटनगर,२५ वैशाख । निर्वाचनलाई मर्यादित र स्वतन्त्र र निश्पक्ष बनाउन मोरङ प्रशासनले निर्देशन दिएको छ । मतदान अधिकृत र सहायक मतदान अधिकृतहरुको एक दिने प्रशिक्षण कार्यक्रममा मोरङका प्रमुख जिल्ला अधिकारी काशिराज दाहालले यस्तो निर्देशन दिएका हुन् ।

मोरङका प्रमुख जिल्ला अधिकारी काशीराज दाहालले निर्वाचन भयरहित, स्वच्छ, स्वतन्त्र एवं पारदर्शी बनाउन सबैले आ–आफ्नो क्षेत्रबाट कार्य गर्न निर्देशन दिनु भयो ।

उनले शान्तिसुरक्षामा समस्या भए तत्काल निराकरण गरिने बताए । काषर््क्रममा जिल्ला प्रहरी कार्यालय मोरङका प्रमुख प्रहरी उपरीक्षक शान्तिराज कोइरालाले निर्वाचनमा शान्ति सुरक्षाको अवस्था सबल रहेको बताउँदै नागरिकलाई भयमुक्त्त भई मतदान गर्न आग्रह गरे ।

सो अवसरमा प्रदेश निर्वाचन कार्यालयका प्रमुख लेवन कास्यप अधिकारीले मतदान केन्द्रका अधिकृतहरुबाट कुनै पनि लापरवाही हुन नदिन, कार्यालय दिने तालिममा विशेष ध्यान दिन, मतपत्रको ठेली गन्तीमा घटबढ हुन नदिन, मत खसाल्न सहज वातावरण सृजना गर्नुपर्नेमा जोड दिए ।

तालिममा मोरङका सवै उर्लावारी नगरपालिका, केराबारी गाउँपालिका, कानेपोखरी, मिक्लाजुङ, सुनवर्षी , लेटाङ, पथरी शनिश्चरे, बेलवारी, रतुवामाई, धनपालथान सुन्दरहरैच, रंगेली, ग्रामथान, जहदा , कटहरी, वुढीगंगा र विराटनगर महानगरपालिकामा खटिने एक हजार ६ सय ५७ जना अधिकृत र सहायक अधिकृतहरुको सहभागिता थियो ।

 

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles