काभ्रेमा नेपाली कांग्रेसका नेताहरुबीच कुटाकुट - News Birat

काभ्रेमा नेपाली कांग्रेसका नेताहरुबीच कुटाकुट

न्यूज विराट

काभ्रे, ११ वैशाख । काभ्रेमा नेपाली कांग्रेसका नेताहरुबीच कुटपिट भएको छ । जिल्लाको नमोबुद्ध नगरपालिकामा कांग्रेसबाट मेयरका दाबेदार कुन्साङ लामाले अर्का दाबेदार रोशन पाण्डेमाथि कुटपिट गरेका हुन् । बनेपाको एक रिसोर्टमा पाण्डेमाथि कुटपिट भएको हो ।

पाण्डेको अहिले शीर मेमोरियल अस्पतालमा उपचार भइरहेको छ ।

पाण्डे नेपाल पत्रकार महासंघ उपत्यका प्रदेश समिति सचिवसमेत हुन् । पाण्डेको अनुहारमा चोट लागेको छ । आपराधिक पृष्ठभूमिका लामाले बनेपाको भिलेज रिसोर्टमा नमोबुद्ध नगरपालिकाको मेयरको विषयमा विवाद हुँदा पाण्डेमाथि हातपात गरेको इलाका प्रहरी कार्यालय बनेपाले जनाएको छ ।

पाण्डेसमेत मेयरका दावेदार थिए । तर, लामाले आफूबाहेक अरुलाई टिकट दिन नमिल्ने भन्दै पाण्डेमाथि आक्रमण गरेका हुन् । प्रहरीले घटनाबारे अनुसन्धान थालेको छ । लामाले यसअघि काभ्रेका नेता अच्युत पौडलमाथि समेत हातपात गरेका थिए । सो अभियोगमा प्रहरीले उनलाई थुनेको थियो ।

लामाले बनेपामा अवैध ढुंगाखानीदेखि क्रसर सञ्चाल गर्दैआएका छन् । लामाको अवैध क्रसर उद्योगमा नेकपा विप्लव समूहले भूमिगत हुँदा आगजनीसमेत गरेको थियो ।

पाण्डे पार्टी केन्द्रीय सदस्य गणेश लामा पक्षका हुन् भने कुटपिट गर्ने कुन्साङ तीर्थ लामा पक्षका हुन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles