माधव र उपेन्द्रले हैसियत भन्दा बढी भाग खोजेः प्रचण्ड - News Birat

माधव र उपेन्द्रले हैसियत भन्दा बढी भाग खोजेः प्रचण्ड

न्यूज विराट

काठमाडौं, बैशाख २ । नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले माधव कुमार नेपाल र उपेन्द्र यादवले हैसियत भन्दा धेरै दावी गरेपछि सत्ता गठबन्धनबीचको तालमेल असहज बनेको बताउनु भएको छ । स्थानीय तहको निर्वाचनमा सत्ता गठबन्धनबीच सवैतिर तालमेलको प्रयाश भए पनि माधव र उपेन्द्रले हैसियत भन्दा बढी दावा गरेर असहज बनाएको प्रचण्डले बताउनु भउको हो ।

उपलब्ध पूर्व स्थायी समिति सदस्य र प्रदेश इन्चार्जहरुहको आज बिहान खुमलटारमा बसेको बैठकमा अध्यक्ष प्रचण्डले गठबन्धनमा रहेका दलहरुले आफ्नो शक्तिलाई अतिरन्जित रुपमा दावी गरेकाले कुरा मिलाउन अप्ठ्यारो भएको प्रचण्डले बताउनु भयो । ‘माधव र उपेन्द्रले हैसियत भन्दा बढता दावी गरेर गठबन्धनलाई असहज बनाउने काम गरे,’ बैठकमा प्रचण्डको भनाई उधृत गर्दै स्थायी समितिका एक सदस्यले भने ।

माधवकै कारण तालमेल जटिल बन्दै गएको प्रचण्डको भनाई थियो । ‘तालमेलको विषय मिलाउन गाह्रो–गाह्रो छ, गठबन्धन हेर्दा राम्रो देखिए पनि व्यवहारिक रुपमा मिलाउन गाह्रो छ,’ प्रचण्डको भनाई उधृत गर्दै अर्का सदस्यले भने । बैठकमा प्रचण्डले उहाँले कांग्रेससँग सकेसम्म बार्गेनिङ गर्ने नभए गठबन्धनका अन्य पार्टीहरुसँग मिलेर कांग्रेससँग पनि स्वस्थ प्रतिस्पर्धा गर्ने रणनीतिसमेत अघि सार्नुभएको छ ।

‘कांग्रेससँग सकेसम्म बार्गेनिङ गर्ने हो, जति हुन्छ लिने, नभए गठबन्धनकै अरुसँग मिलेर प्रतिष्पर्धा गर्ने हो,’ प्रचण्डको भनाई थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles