राशिफल

विराटनगर आएर इश्वर पोखरेलले भने-एमसीसी मुख्यालयलाई चिठी पठाउनु नेपालकै बेइज्जत

 न्यूज विराट
विराटनगर आएर इश्वर पोखरेलले भने-एमसीसी मुख्यालयलाई चिठी पठाउनु नेपालकै बेइज्जत

विराटनगर, २९ माघ । नेकपा (एमाले) का वरिष्ठ उपाध्यक्ष ईश्वर पोखरेलले एमसीसी मुख्यालयलाई प्रधानमन्त्री र पूर्वप्रधानमन्त्रीले चिठी पठाउनु नेपालकै बेइज्जत भएको बताएका छन् । शनिबार विराटनगर विमानस्थलमा सञ्चारकर्मीहरूसँग कुरा गर्दै वरिष्ठ उपाध्यक्ष पोखरेलले यस्तो बताएका हुन् ।

केही दिन अघिमात्र एमसीसी मुख्यालयलाई पठाएको प्रधानमन्त्री शेरबहादुर देउवा र पूर्वप्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल प्रचण्डको संयुक्त हस्ताक्षसहितको चिठी सार्बजनिक भएको थियो ।

उनले प्रचण्डप्रति संकेत गर्दै जनता, कार्यकर्ता र विदेशीसँग फरक—फरक कुरा गर्ने गरेको आरोप लगाए । ‘सार्बजनिक भएको चिठीले नेपालको बेइज्जत गराउने काम भएको छ’, उनले भने, ‘हिजो चिठी पठाएको हुँदै होइन भन्ने, अहिले चिठी नै बाहिर आएको छ । यसको बारेमा जवाफ दिनुपर्छ कि पर्दैन ?’

वरिष्ठ उपाध्यक्ष पोखरेलले एमसीसी हाल गठबन्धनमा आवद्ध दलहरूले नै सम्झौता गरेको बताउँदै सरकार अविछिन्न उत्तराधीकारी रहेको संस्था भएकाले त्यसलाई एमाले नेतृत्त्वको सरकारले संसदमा टेबुल गराएको स्पष्ट पारे ।

नेता पोखरेलले एमसीसीको विषयमा पहिले सत्तापक्षको पोजिसन क्लियर हुनुपर्ने समेत बताए । ‘एमसीसीको प्रारम्भ नेपालको तर्फबाट नै भएको हो । सरकार अविछिन्न उत्ताराधिकारवाला संस्था भएकाले हामीले टेबुल गरेको मात्र हो’, उनले भने, ‘हिजो सम्झौता गर्नेहरू नै अहिले गठबन्धन सरकारमा हुनुहुन्छ । गठबन्धनको बहुमत पनि छ । त्यसैले यसको पोजिसन क्लियर गर्नुपर्र्छ । जनतासँग एउटा कुरा, कार्यकर्तासँग एउटा कुरा, विदेशीसँग एउटा कुरा गर्नु हामी उचित ठान्दैनौँ ।’

उनले पहिले सत्तापक्षले पोजिसन बनाएपछि मात्र एमालेले पनि आफ्नो पोजिसन क्लियर पार्ने बताए । ‘राष्ट्रिय मुद्दामा सत्तापक्षको पोजिसन औपचारिकरुपमा ल्याउनुपर्छ । गठबन्धन भन्ने अनि पोजिसन बनाउन नसक्ने के हो ? शेरबहादुर जीको कुरा बुझ्ने कि, प्रचण्डको बुझ्ने कि माधव नेपालको कुरा बुझने ?’, पोखरेलले भने, ‘हामी देशको अहित हुनेकुरा कहिल्यै पनि गर्दैनौँ । हिजो कसको नेतृत्त्वको सरकारका बेला सम्झौता भएको हो ? त्यसको हिसाब किताब हुनुपर्छ कि पर्दैन ? संसदमा ल्याउँदाखेरी कसरी प्रस्तुत हुनुपर्छ, हामी जान्दछौँ ।’

उनले एमाले नेतृत्वको सरकार ढाल्न आपराधिक मानसिकताबाट गठबन्धन बनेको आरोप लगाउँदै अहिले त्यसको परिणाम प्रकट भइरहेको दाबी गरे । ‘गठबन्धनमा पनि रहने, सरकारमा पनि रहने, आन्दोलन पनि गर्छु भन्ने तमासा हेरौँ न’, पोखरेलले भने, ‘केपी ओलीको सरकार ढाल्ने आपराधिक मानसिकताबाट बनेको गठबन्धन हो । त्यसकारण त्यसको परिणामहरू क्रमशः प्रकट भइरहेको छ ।’

 

सम्बन्धित समाचार

मोरङमा ५.९५ प्रतिशत मत बदर, कुन क्षेत्रमा कति बदर ? (सुचिसहित)?

विराटनगर । मंसिर ४ गते भएको प्रतिनिधि र प्रदेश सभाको निर्वाचनमा मोरङमा ५.९५ प्रतिशत मत बदर भएको छ । मोरङमा ४ लाख ८५ हजार ४९९ मत अर्थात ६६.१ प्रतिशत मत खसेको मध्ये १८ हजार ८६५...

हाड जोर्नीको उपचारमा आर्या न्यूरो अब्बल, जोर्नी प्रत्यारोपण देखि हाड जोड्नेसम्मको उपचार

विराटनगर । विराटनगर ३ कन्चनबारी स्थित आर्या न्यूरो अस्पताल हाडजोर्नी सम्बन्धी रोगको उपचारका लागि भरपर्दो गन्तव्य बनेको छ । अत्याधुनिक उपकरण र चर्चित वरिष्ठ हाडजोर्नी विशेषज्ञ चिकित्सक सहितको टिम दुवैको संयोजन मिलेका कारण आर्या न्यूरोमा...

मोरङको कटहरीमा सोमबार रोजगार मेला, १२ सय बढीले रोजागरी पाउने

विराटनगर । मोरङको कटहरी गाउँपालिका १ फलफूल तथा कृषि थोक बजारमा रोजगार मेला हुने भएको छ ।सोमबार विहान ९ बजेबाट साझ ४ बजेसम्म रोजगार मेला सुरु हुने भएको हो । कटहरी गाउँपालिका, उद्योग वाणिज्य महासंघ...

सुनिल शर्माले प्रतिवद्धता पुरा गर्दै, नोबेलमा ५० शैय्याको निःशुल्क क्याविन संचालन

विराटनगर । मोरङ ३ मा मतदातामाझ गरेको वाचा पूरा गर्दै नेपाली कांग्रेसका डा. सुनिल शर्मा जितलगत्तै एक्सनमा उत्रिएका छन् ।निर्वाचनमा आफूले गरेको प्रतिवद्धताअनुसार उनले नोबेल शिक्षण अस्पताल विराटनगरमा निःशुल्क क्याबिन सेवाको उद्घाटन गरेका हुन् ।चुनावमा...