राशिफल

प्रदेश १ मा मन्त्रालय फुटाएको विरोधमा विराटनगरमा एमालेका २३ वटा जनसंगठनहरुद्वारा प्रदर्शन

 न्यूज विराट
प्रदेश १ मा मन्त्रालय फुटाएको विरोधमा विराटनगरमा एमालेका २३ वटा जनसंगठनहरुद्वारा प्रदर्शन

विराटनगर, १८ माघ । प्रदेश १ सरकारले मन्त्रालयहरु फुटाएर मन्त्रालयको संख्या बढाएको विरोधमा प्रमुख प्रतिपक्षी दल नेकपा (एमाले) निकट जनसंगठनहरुले विराटनगरमा प्रदर्शन गरेका छन् ।

्मंगलबार एमाले निकट २३ वटा जनसंगठनहरुले संयुक्तरुमा विराटनगरमा प्रदेश र संघीय सरकारविरुद्ध प्रदर्शन गरेका हुन् । मन्त्रालय फुटाउन पाइदैन, स्थानीय तहको निर्वाचन तत्काल घोषणा गर, मूल्यबृद्धि नियन्त्रण गर, कृषकलाई मलखाद तत्काल व्यवस्था गरलगायतका नारा लगाउदै जनसंगठनहरुले प्रदर्शन गरेका हुन् ।
जनसंगठनहरुले गठबन्धन सरकारविरुद्ध विराटनगरको सडकमै पत्रकार सम्मेलन गरेर चर्को आलोचना गरेका छन् ।

एमालेका २३ वटा जनवर्गीय संगठनले संयुक्तरुपमा सडक पत्रकार सम्मेलन गर्दै वर्तमान देउवा सरकार प्रतिगमनको बाटोमा अग्रसर भइरहेको आरोप लगाएका छन् ।

त्यस्तै राजेन्द्र राई नेतृत्वको प्रदेश १ सरकार पनि जनविरोधी, राष्ट्रियहित विरोधी र संघियताको मर्ममा नै प्रहार गर्ने गर अघि बढिरहेको आरोप लगाएका छन् । ‘७ वटा मन्त्रालय फुटाएर गठबन्धन सरकार टिकाउनकै लागि १२ वटा मन्त्रालय र १५ वटासम्म मन्त्रीको संख्या पु¥याउने खेलमा लाग्नु निन्दनीय र खेदजनक छ ।’ जनसंगठनहरुद्धार जारी संयुक्त विज्ञप्तीमा भनिएको छ ।

पूँजीगत खर्च भन्दा साधारण खर्च अत्यधिक रहेको महत्वपूर्ण आयोजनाहरुलाई अलपत्र पारिएको, कालोबजारी ब्याप्त हुँदा पनि प्रदेश सरकार भने भागबण्डामा मात्र केन्द्रीत रहेको संगठनहरुको आरोप छ ।

सडक पत्रकार सम्मेलनमा जनस्वास्थ्य जस्तो संवेदनशिल विषयमा समेत सरकार मौन रहेको आरोप लगाउँदै बजारमा सिटामोलको समेत चरम अभाव हुनु दुःखद भएको जनसंगठनहरुले आरोप लगाए ।

त्यस्तै मूल्यबृद्धिले जनतालाई आक्रान्त बनाएको र कृषक मलखाद नपाएर भौंतारिँदा पनि सरकार मुकदर्शक बनेको उनीहरुको आरोप छ । सयुक्त पत्रकार सम्मेलनमा सरकारलाई जनविरोधी कामहरु तत्काल सच्याउन जनसंगठनहरुले माग गरेका छन् ।

सडक पत्रकार सम्मेलनमा अनेरास्ववियुका उपमहासचिव भाष्कर खनाल, युवासंघका नेता मुकेश बुढाथोकी, नविन पौडेललगायतका नेताहरुले मागको सुनुवाई नभए जस्तोसुकै आन्दोलनमा उत्रने सरकारलाई चेतावनी दिए ।

सम्बन्धित समाचार

राष्ट्र बैंकको नीतिको कारण अटो व्यवसायी सडकमा, गाडी बिक्रीको वातावरण बनाउन माग

विराटनगर । अटो मोबाइल्स व्यवसायीहरू सरकार विरुद्धका चर्का नारा लेखिएका प्लेकार्ड तथा ब्यानर बोकेर सडकमा उत्रिएका छन् । खासगरी सरकार, राष्ट्र बैंकको पछिल्लो नीतिले अटो मोबाइल्स व्यवसाय नै धरासायी हुन पुगेको भन्दै व्यवसायीहरू आन्दोलित भएका...

हिमालय दर्शन कलेजमा दुई हप्ते ‘प्रि युनिभर्सिटी’ कक्षा सकियो, विद्यार्थीको लागि लाभदाही

विराटनगर । विराटनगरस्थित हिमालय दर्शन कलेजमा भर्ना भएका विद्यार्थीहरूलाई लक्षित गरि सुरू गरिएको दुई हप्ते ‘प्रि युनिभर्सिटी’ कक्षा सकिएको छ । हिमालय दर्शन कलेजमा भर्ना भएका बीआइएम र बीसीए पहिलो सेमिस्टरमा भर्ना भएका विद्यार्थीहरूलाई लक्षित...

शिक्षादीप स्पोर्टस् मिट सुरू,पाँच सय बढी विद्यार्थीको सहभागि

विराटनगर । विराटनगरस्थित शिक्षादीप कलेजमा शिक्षादीप स्पोर्टस् मिट २०७९ सुुरू भएको छ । विराटनगरमा बिहीबार एक कार्यक्रम आयोजना गरी स्पार्टस् मिट सुरू भएको हो । हप्तादिनसम्म संचालन हुने स्पोर्टस् मिटको उद्घाटन कलेजका प्रिन्सिपल ज्ञानबहादुर खड्काले...

मेयर कोइरालाकै घरमा चल्यो डोजर, विराटनगरमा अवैध संरचना हटाउन थालियो

विराटनगर । विराटनगर महानगरपालिकाले बजार क्षेत्रमा निर्माण गरिएका अवैध संरचना हटाउने अभियान सुरु गरेको छ ।अभियानको विराटनगर महानगरपालिकाका मेयर नागेश कोइरालाको घरबाटै सुरु गरिएको छ । विराटनगर–९ जलजला रोडस्थित कोइरालाले भाडामा लगाएका पसल सञ्चालकले सटर...