राशिफल

गठबन्धनका उम्मेदवारलाई पराजित गर्दै प्रदेश १ बाट राष्ट्रियसभा सदस्यमा एमालेका शेर्पा विजयी

 न्यूज विराट
गठबन्धनका उम्मेदवारलाई पराजित गर्दै प्रदेश १ बाट राष्ट्रियसभा सदस्यमा एमालेका शेर्पा विजयी

काठमाडौं, १२ माघ । प्रदेश १ मा नेकपा एमालेका सोनम ग्याल्जेन शेर्पा राष्ट्रियसभा सदस्यमा निर्वाचित भएका छन् ।nसत्ता गठबन्धनका उम्मेदवार जनता समाजवादी पार्टी (जसपा) का हेमराज थुलुङ राईलाई पराजित गर्दै एमालेका सोनम राष्ट्रियसभा सदस्यमा निर्वाचित भएका हुन् ।

स्पष्ट रूपमा सत्ता गठबन्धन बलियो देखिए पनि एमालेका उम्मेदवार शेर्पा विजयी भएका छन् । अल्पसंख्यक कोटाबाट उम्मेदवार बनेका शेर्पाले ४७३४ मतभार प्राप्त गरे । पराजित भएका जसपा राईले ४३६८ मत प्राप्त गरे ।

मत परिणामअनुसार निर्वाचित शेर्पाले ४२ जना प्रदेशसभा सदस्य र १५२ स्थानीय तहका प्रमुख उपप्रमुखको मत प्राप्त गरेका छन् । उनले कुल ४ हजार ७ सय ५२ मतभार प्राप्त गरेको प्रदेश निर्वाचन कार्यालयका प्रमुख लेवन कश्यप अधिकारीले जानकारी दिए ।

एमालेका सभामुखसहित ४१ प्रदेश सांसद रहे पनि शेर्पाले त्यसभन्दा बढी मत प्राप्त गरेका छन् । उनलाई एमालेबाट फुटेर बनेको नेकपा (एस) का सांसदको मतसमेत प्राप्त भएको देखिएको छ ।

सत्ता गठबन्धनका तर्फबाट उम्मेदवार बनेका शेर्पाका निकटतम प्रतिद्वन्द्वी जनता साजवादी (जसपा) का उम्मेदवार हेमराज थुलुङ राईले ४९ जना प्रदेश सांसद र १ सय १३ स्थानीय तहका प्रमुख/उपप्रमुखको मत प्राप्त गरे । उनले प्राप्त गरेको कुल मतभार ४ हजार ३ सय ८६ छ ।

प्रदेश १ मा सत्ता गठबन्धनसँग ५० जना प्रदेशसभा सदस्य रहे पनि राईले ४९ जना प्रदेशसभा सदस्यको मतमात्र प्राप्त गरेका छन् । प्रदेशसभामा सत्ता गठबन्धनमा आवद्ध नेपाली कांग्रेसको २१, माओवादी केन्द्रको १५, नेकपा (एस) को १०, जनता समाजवादीको तीन र संयुक्त लोकतान्त्रीक राष्ट्रिय मञ्चको एक गरि कुल ५० सिट छ ।

प्रदेश १ मा सत्ता गठबन्धनको कुल मतभार ४ हजार ६६८ थियो । तर, राईले त्यसभन्दा कम मत प्राप्त गरे ।  स्थानीय तहतर्फ चार मत बदर भएको निर्वाचन कार्यालयका प्रमुख अधिकारीले जानकारी दिए ।

प्रदेश १ मा ९२ जना प्रदेशसभा सदस्य र र २७२ जना स्थानीय तहका प्रमुख तथा उपप्रमुख मतदाता थिए । मतदानमा तीन जना अनुपस्थित भएका छन् । झापाको गौरीगञ्ज गाउँपालिकाका अध्यक्ष बाबुराम श्रेष्ठ र विराटनगर महानगरपालिकाकी उपमेयर इन्दीरा कार्की अनुपस्थित भएका छन् ।

श्रेष्ठ छोरीको विवाहका कारण र कार्की विरामीका कारण उपचाररत रहेकाले निर्वाचनमा मत खसाल्न आएनन् । त्यस्तै प्रहरीको फरार सूचीमा रहेकी नेकपा (एमाले) की सांसद गुलेफल खातुन पक्राउ पर्ने डरले मतदान गर्न आइनन् ।

सम्बन्धित समाचार

जीवन विकासको गोल्डकपको उपाधि पशुपति क्बलको पोल्टामा

विराटनगर । जीवन विकास गोल्डकप रनिङ शिल्डको उपाधि पशुपति रिपोर्टिङ क्लब दादरबैरियाले जितेको छ ।मोरङको जहदा गाउँपालिका – ३ मा शनिवार सम्पन्न भएको फाइनलमा रानी फुटबल क्लब विराटनगरलाई १–० गोलले हराउँदै पशुपति रिपोर्टिङ क्लबले उपाधि...

किरण क्यालसिक बेकरीले उत्पादन गरेको पाउरोटीमा ढुसी भेटियो

विराटनगर । विराटनगर – ११ मा रहेको किरण क्यालसिक बेकरीले उत्पादन गरेको पाउरोटीमा ढुसी फेला परेको छ । म्याद सकिने मिति दुई दिन बाँकी रहेको पाउरोटीमा ढुसी परेको भेटिएको हो । विराटनगर – ५ चाँदनी...

रंगेलीको संसारीमाई मन्दिरमा प्रदेशस्तरीय फूलपाती बढाई हुदैँ, सम्पूर्ण तयारी पुरा (फोटोसहित)

विराटनगर, १४ असोज । विगतका वर्षहरुझैँ यसवर्षपनि मोरङको रंगेलीस्थित संसारीमाई मन्दिरमा भोली प्रदेशस्तरीय फूलपाती वढाई हुने भएको छ । पूर्वको प्रशिद्ध शक्तिपिठको रुपमा रहेको सो मन्दिरमा आगामी असोज १६ गते विहान साढे ९ वजे प्रदेश...

काममा जान्छु भनेको धामीको हत्या

विराटनगर । मोरङको सुनवर्षी नगरपालिका – ४ बटरबारीका एक जना धामीको हत्या भएको छ । ३२ वर्षीय अशोक कुमार यादवको हत्या भएको हो । हत्या गरिएको अवस्थामा शुक्रबार विहान सुनवर्षी नगरपालिका ४ बटरवारी जाने भित्री...