राष्ट्रियसभा निर्वाचनका लागि माओवादी केन्द्रले टुंग्यायो उम्मेदवार - News Birat

राष्ट्रियसभा निर्वाचनका लागि माओवादी केन्द्रले टुंग्यायो उम्मेदवार

न्यूज विराट

काठमाडौं, २० पुस । नेकपा माओवादी केन्द्रले राष्ट्रियसभा सदस्यका उम्मेदवारको नाम टुंगो लगाएको छ ।

अध्यक्ष पुष्पकमल दाहाल प्रचण्डले पार्टीभित्रका शीर्ष नेताहरूसँगको परामर्शपछि माओवादी केन्द्रको भागमा परेका पाँच सिटका लागि उम्मेदवारको नाम टुंगो लगाएका हुन् ।

माओवादी केन्द्रले प्रदेश २ उर्मिला अर्याल, गण्डकीमा सुरेश आले मगर र भरत सुनार, कर्णालीमा नरबहादुर विष्ट र सुदूरपश्चिम प्रदेशमा जगत पार्कीलाई उम्मेदवार बनाउने निर्णय गरेको अध्यक्ष प्रचण्डका स्वकीय सचिव रमेश मल्लले जानकारि दिए ।

यसअघि सोमबार बसेको माओवादीको नवनिर्वाचित केन्द्रीय समितिको बैठकले राष्ट्रिय सभा सदस्यको उम्मेदवार छान्ने जिम्मेवारी अध्यक्ष प्रचण्डलाई दिएको थियो ।

१२ माघमा हुने राष्ट्रियसभाको निर्वाचनका लागि मंगलबार (आज) उम्मेदवारको मनोनयन दर्ता हुँदैछ । मनोनयन दर्ताका लागि निर्वाचन आयोगले बिहान १० बजेदेखि दिउँसो ३ बजेसम्मको समयावधि तोकेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles