राशिफल

ओमिक्रोन फैलिने जाेखिम बढ्यो, भिडभाड रोक्नु र मास्क अनिवार्य गराउनू:स्वास्थ्य मन्त्रालय

 न्यूज विराट
ओमिक्रोन फैलिने जाेखिम बढ्यो, भिडभाड रोक्नु र मास्क अनिवार्य गराउनू:स्वास्थ्य मन्त्रालय

काठमाडौं, १८ पुस । इपिडिमियोलोजी तथा सरूवा रोग नियन्त्रण महाशाखाले कोरोनाको ओमिक्रोन भेरियन्टको जोखिम बढेकाले सतर्कता अपनाउन पालिका, जिल्ला स्वास्थ्य कार्यालय र स्वास्थ्य निर्देशनालयहरूलाई अनुरोध गरेको छ ।

‘हालसम्म पनि यस महामारीको विश्वव्यापी जोखिम कायमै रहेको सन्दर्भमा थप संक्रामक भेरियन्ट ओमिक्रोन नेपालमा समेत भित्रिनुले सबै निकाय अझ सर्तक र पूर्वतयारीका साथ रहनु अपरिहार्य देखिन्छ,’ महाशाखाको अनुरोधमा भनिएको छ ।

जनस्वास्थ्यको मापदण्ड पालना गराउन, भिडभाड हुन नदिन र मास्कको प्रयोग अनिवार्य गराउन महाशाखाले पालिकाहरूलाई भनेको छ । कोभिड-१९ का केसहरूको पहिचान गरी आइसोलेसनमा राख्न र उपचारको समन्वय गर्न, कन्ट्याक्ट ट्रेसिङ तथा परीक्षण गर्न र सीमा नाकाबाट आउनेको परीक्षण तथा व्यवस्थापन गर्न स्थानीय सरकारलाई महाशाखाले भनेको छ ।

महाशाखाका निर्देशक डा. पौडेलले ओमिक्रोन भेरियन्ट बढ्ने संकेत देखिएकाले सतर्कता अपनाउन स्थानीय पालिकाहरूलाई अनुरोध गरिएको बताए । ‘भारतमा ओमिक्रोनको केस बढेको छ । नेपालको प्रवेश बिन्दुमा बढेकाले सतर्कता अपनाउन भनिएको हो,’ उनले भने ।

नेपालमा ओमिक्रोन भेरियन्ट फैलिएका वा नफैलिएकोबारे जिन सिक्वेन्सिङ गर्ने काम भइरहेको उनले बताए । ‘ओम्रिकोन भेरियन्ट बढ्ने संकेत देखिएको छ । जिन सिक्वेन्सिङ गर्ने काम भइरहेको छ,’ उनले भने । नेपालमा हालसम्म तीन जनामा ओमिक्रोन भेरियन्ट पुष्टि भएको छ ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...