राशिफल

मेरिल्याण्ड कलेज अगाडी पार्किङ गरेको मोटरसाईकल चोरीमा संलग्न चार जना पक्राउ

 न्यूज विराट
मेरिल्याण्ड कलेज अगाडी पार्किङ गरेको मोटरसाईकल चोरीमा संलग्न चार जना पक्राउ

विराटनगर, १६ पुस । विराटनगरमा मोटरसाईकल चोरीमा संलग्न व्यक्तिहरु धमाधम प्रहरीको फन्दामा पर्न थालेका छन् । पछिल्लो समय विराटनगरमा मोटरसाईकल चोरीको बिगबिगी बढ्दै गएका बेला चोरीमा संलग्न व्यक्तिहरु धमाधम पक्राउ पर्न थालेका हुन् ।

प्रहरीले फेरी मोटरसाईकल चोरीमा संलग्न व्यक्तिहरुलाई पक्राउ गरेको छ । गत पुस ८ गते विराटनगरस्थित मेरिल्यण्ड कलेज अगाडी पार्किङ गरेको अपाची मोटरसाईकल चोरीको आरोपमा चार जनालाई प्रहरीले पक्राउ गरेको हो ।

विराटनगर महानगरपालिका वडा नं.–७ स्थित मेरिल्याण्ड कलेज अगाडी पार्किङ गरी राखेको टिभिएस कम्पनीको आरटीआर को २३ प ८८११ नम्बरको मोटरसाईकल चोरीमा संम्लग्न चार जनालाई पक्राउ गरिएको जिल्ला प्रहरी कार्यालय मोरङले जनाएको छ ।

पक्राउ पर्नेमा सुनसरीको दुहवी नगरपालिका–४ का २२ वर्षीय समिर मियाँ, विराटनगर–१५ का २० वर्षीय नितेश मेहता, वेलबारी नगरपालिका–११ का २० वर्षीय सागर लिम्बु र सोही ठाउँमा २२ वर्षीय सनम मगर रहेका छन् ।

पक्राउ परेका चारै जना उपर जिल्ला अदालत मोरङबाट पाँच दिन म्याद थप भई अनुसन्धान भइरहेको जिल्ला प्रहरी कार्यालय मोरङका प्रवक्ता प्रहरी नायव उपरिक्षक दिपक श्रेष्ठले जानकारी दिए ।

प्रहरीले यस अघि पनि मोटर साइकल चोरीमा संलग्न भएको आरोपमा विभिन्न व्यक्तिहरुलाई पक्राउ गरेको थियो ।

सम्बन्धित समाचार

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...

‘मेनिन्जाइटिस’ रोगबाट पीडित बालकको आर्या न्यूरोमा सफल उपचार

विराटनगर । विराटनगर – ३ कञ्चनबारीस्थित आर्या न्यूरो हस्पिटलमा ‘मेनिन्जाइटिस’ रोगबाट पीडित भएका एक जना बालकको सफल उपचार भएको छ । मस्तिष्कमा ‘मेनिन्जाइटिस’ रोगबाट पीडित भारत घर भएका ६ वर्षीय लोकेस कुमारको आर्या न्यूरो हस्पिटलमा...

विराटनगरबाट २१ किलो गाँजा बरामद

विराटनगर । मोरङ प्रहरीले विराटनगरबाट २१ किलो गाँजा बरामद गरेको छ । प्रहरीले विराटनगर ६ केशलीया रोडबाट बुधबार गाँजा बरामद गरेको हो । बिराटनगर महानगरपालिका वडा नं. ६ केशलीया नहरमा चेकिङमा खटिएको प्रहरी टोलीलाई देख्नासाथ...

सकियो हिसान स्पोर्टस मिट, विराटनगरका चार कलेजलाई उपाधि

विराटनगर । ११ औं संस्करणको हिसान स्पोर्टस् मिट अन्तर्गत विभिन्न खेलहरूमा चार वटा कलेजले उपाधि जितेका छन् । सोमबार राती सम्पन्न भएको फाइनलमा फुटबलमा विराटनगरमा रहेको कोशी क्याम्पस, भलिबल छात्रामा अर्किड, सोही विधाको छात्रमा मोर्डन...