राशिफल

नेपाल दक्षिण एसियाको उदाउदो सूर्य – अध्यक्ष ओली

 न्यूज विराट
नेपाल दक्षिण एसियाको उदाउदो सूर्य – अध्यक्ष ओली

काठमाडौं,१३ पुस । नेकपा एमाले अध्यक्ष केपी ओलीले वर्तमान सरकारलाई पन्च गठबन्धनको बिकास बिरोधि कठपुतली भएको बताउनुभयो । सोमवार एमाले गौरादह नगर कमिटि द्वारा वडा नं. ४ स्कुलचौनमा आयोजित भेटघाट कार्यक्रममा सम्बोधन गर्दै ओलीले उक्त कुरा बताउनुभएको हो । एमालेको सरकारले सुरु गरेको बिकास निर्माण कार्यबाट डराएर पन्च गठबन्धनले आफु नेतृत्वको सरकार ढालेको अध्यक्ष ओलीले आरोप लगाउनुभयो । माधव नेपाल नामको बन्चरोले आफ्नै पार्टी चिर्न खोजेको छ, माधव नेपाल के भएको होला ? उहाँले प्रश्न समेत गर्नुभयो ।

गाउँमा बस्नेहरूले एमाले राम्रो बुझेका छन् तर जुन पार्टीले माधव नेपाललाई प्रधानमन्त्री बनायो, जुन पार्टीमा माधव नेपालले १५ वर्ष नेतृत्व गरे त्यही पार्टी फुटाउन बन्चरो लिएर आफैं जाइलागे, उहाँले भन्नुभयो । माधव नेपालहरुले प्रतिगमन भन्दै लोकतन्त्र मास्ने काम गरेको समेत उहाँले बताउनुभयो । उहिले उहिले ६० वर्ष पुगेका वृद्धलाई कम्युनिस्टले गोलि हानेर मार्छन् भन्ने आरोप खेप्नु पर्थ्यो अहिले त्यो आरोप सुन्नु परेको छैन, २०५१ सालमा हामीले वृद्ध भत्ता सुरु गर्दा कनिका छरेको आरोप लगाइन्थ्यो तर अहिले जेष्ठनागरिक, एकल र अपांगता भएकाहरूले प्रती महिना ४ हजार पाउन थाली सकेका छन्, यो सम्भव भएको एमालेकै कारणबाट हो, ओलीले भन्नुभयो । हामीले १ लाख सम्मको स्वास्थ्य बिमा सन्चालन गर्यौं, खाता समेत आफैंले खोली दिएका छौं । विपन्न आवास कार्यक्रम हाम्रै पार्टीको सरकार बाट सम्भव भएको हो उहाँले भन्नुभयो । एमालेलाई गलत भन्नेहरु मुखमा ताला लगाउन बाध्य भएको समेत उहाँले बताउनुभयो । ग्रामीण सडकहरु पक्की सडकमा रुपान्तरण भएका छन्, जताततै पुल र कलबर्ट बनेका छ्न्, बिकास निर्माणले तिब्रता पाएको छ उहाँले बताउनुभयो । नेकपा एमालेले बिकासको लहर सृजना गरेको छ, भारतको एउटा बन्दरगाह प्रयोग गर्ने नेपालले अहिले चीन संग पारवहन सन्धि गरेपछि चिनियाँ बन्दरगाह पनि प्रयोग गर्न सकिएको छ र अहिले चीन र भारत गरि ४ वटा बन्दरगाह प्रयोग गर्न थालिएको छ। आर्थिक रूपमा हामी हिजो निकै पछाडि थियौं, धेरैनै बिदेशी सहयता लिनु पर्थ्यो, अहिले हामी सक्षम बन्दै गएका छौँ , थुप्रै नयाँ नयाँ बिद्यालय बनाउदै गएका छौँ, बिकासको गति तिब्र भएको छ, स्वास्थ्य केन्द्र निर्माण गर्दैछौँ, कृषिमा आधुनिकीकरण योजना र त्यसलाई कार्यान्वयन गर्न प्रधानमन्त्री कृषि आधुनिकीकरण योजना हाम्रै पार्टीको देन हो, राष्ट्रपति महिला उत्थान कार्यक्रम, राष्ट्रपति शैक्षिक जागरण कार्यक्रम, पुर्वाधार विकास कार्यक्रम, राष्ट्रपति चुरे संरक्षण कार्यक्रम जस्ता कार्यक्रमहरु हामीले सन्चालन गरेका छौँ, एमाले अध्यक्ष ओलीले भन्नुभयो ।

आज सहरहरूमा अनाथ भएका, अभिभावक विहिन बालबालिकाले खाते भएर हिड्नु परेको छैन, सबै कुराको प्रबन्ध सरकारले गरेको छ । जनताका समस्यालाई समाधान गर्नकालागि नेकपा एमालेको सरकार चाहिन्छ नेपालमा, उहाँले भन्नुभयो ।सेना, प्रहरी र सिपाहीहरु श्रेणीविहिन अवस्थामा थिए, २०५१ सालमा मैले गृहमन्त्री हुँदा श्रेणी बिभाजन गरेको थिएं। ओलीले स्मरण गर्नुभयो ।

कोभिडको अत्यन्तै प्रतिकुल अवस्थामा कर्मचारीको तलब २५ प्रतिशतले र मजदुरको तलब ४० प्रतिशतले हाम्रै सरकारको पालामा बढाइएको थियो । विकासको हिसाबले भन्ने हो भने विश्वका तिब्र आर्थिक विकास गर्ने १० मुलुक मध्येमा नेपाल पनि परेको छ यहि कारण विश्व वैंकले नेपाललाई राइजिङ स्टार अफ साउथ एसिया अर्थात राइजिङ स्टार अफ साउथ एसिया भनेर हाम्रो देशलाई सम्मान गरेको छ । बालबालिका र सामाजिक जागरणको क्षेत्रमा, कुरिती र कुसंस्कारका विरुद्ध नेकपा एमालेले चलाएको अभियान र त्यसले प्राप्त गरेका उपलब्धिहरु प्रसंसनिय छन् । बाल शिक्षाको सम्बन्धमा, बिद्यालय भर्ना सम्बन्धमा हामीले गरेको प्रगति असाधारण छ, गरिबी निवारणको सम्बन्धमा २२ प्रतिशत निरपेक्ष गरिवीको रेखामुनि रहेको नागरिकको सम्बन्धमा हामीले असाधारण काम गरेका छौँ ।महारानी झोडाको जग्गा सम्बन्धि समस्यामा मेरो नेतृत्वको सरकारले ९५ प्रतिशत काम सम्पन्न गरेपछि सरकार ढालियो, गठबन्धन सरकारले सबै काम लथालिङ्ग बनाइदियो , उहाँले भन्नुभयो ।तपाईंहरु चिन्ता नगर्नुहोस्, निर्वाचन पछि हामी पुनः सत्तामा जाने छौं अनि झोडाबासीका घर घरमा धनीपुर्जा पुर्याइदिने छौँ, अध्यक्ष ओलीले भन्नुभयो ।

सम्बन्धित समाचार

विराटको सङ्कलन केन्द्र विराटनगरको भट्टिमोडमा स्थापना, अब घरमै बसेर बिरामीले रिपोट पाउने

विराटनगर । विराटनगरको दक्षिणी क्षेत्र र सीमावर्ती भारतीय बिरामीहरूलाई स्थानीय स्थरमा स्वास्थ्य सेवा पु¥याउने उद्देश्यले विराट नर्सिङ होम भित्र रहेको विराट इन्टरनेशनल डाईग्नोस्टिक ल्याब प्रा.लि. ले रगत सङ्कलन केन्द्र स्थापना गरेको छ ।विराटले आइतबार विराटनगर...

बुद्धोदय सहकारीको निक्षेप ११ करोड १ लाख

विराटनगर । विराटनगर महानगरपालिका ३ मा रहेको बुद्धोदय बचत तथा ऋण सहकारी संस्था लि. ले आर्थिक वर्षमा ११ करोड भन्दा बढी रकम निक्षेप गर्न सफल भएको छ ।सहकारीको विराटनगरमा आइतबार भएको १४ औं वार्षिक साधरण...

विराट एक्स्पोको तयारी पुरा, ३६१ वटा स्टल रहने

विराटनगर । सातौं संस्करणको विराट एक्स्पोको तयारी पुरा भएको छ । मंसिर २९ देखि पुस ६ गतेसम्म विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा हुन लागेको एक्स्पोको तयारी पुरा भएको आइतबार पत्रकार सम्मेलन गरी...

रोटरी क्लबले मनायो बालबालिकासँग अन्तराष्ट्रिय अपाङ्गता दिवस

विराटनगर, १७ मंसिर । रोटरी क्लब अफ विराटनगर डाउनटाउनले अन्तराष्ट्रिय अपाङ्गता दिवस मनाएको छ । क्लबले अपाङ्गता भएका बालबालिकाहरुसँग ३१ औँ अन्तराष्ट्रिय अपाङ्गता दिवस मनाएको हो । पिटर प्यान प्ले पेन स्कूलको सहयोगमा क्लबले सीपी...