विराटनगर, ५ पुस । विभिन्न सामाजिक कार्यहरु निरन्तर गर्दै आइरहेको राउण्ड टेबल नेपाल बिसिआरटी १५ ले न्यानो कपडा वितरण गरेको छ । राउण्ड टेबल नेपाल बिसिआरटी १५ ले एक कार्यक्रमकाबीच मोरङको कटहरीस्थित सप्तकोशी सिमेन्ट उद्योगमा कार्यरत श्रमिक र उनीहरुको परिवारलाई न्यानो कपडा वितरण गरेको हो ।

राउण्ड टेबल नेपाल बिसिआरटी १५ ले शीतकालीन सहयोग अभियानको पहिलो चरण अन्तर्गत ५० जना श्रमिक र उनीहरुका परिवारलाई न्यानो कपडा बितरण गरेको हो ।

कठ्यांग्रीदो जाडो सुरु भएपनि न्यानो कपडा खरिद गर्न समस्या भइरहेका श्रमिक र उनीहरुका परिवारका लागि सप्तकोशी सिमेन्ट परिसरमै कपडाहरु टेवलमा राखिएको थियो ।

न्यानो कपडा आवस्यक श्रमिकहरुले आफू र परिवारका लागि लाइनमा लगेर रोजाई अनुसारका कपडाहरु छानि छानि लगेका थिए । तराइ क्षेत्रमा न्यानो कपडाको अभावमा कठ्यांग्रीएर मृत्यु भएका खबरहरु आइरहेकाले जाडोबाट जोगाउनका लागि ५० जनालाई न्यानो कपडा वितरण गरिएको राउण्ड टेबल नेपाल बिसिआरटी १५ ले जनाएको छ ।

मजदुरी गरेर जिविकोपार्जन गर्दै आएका श्रमिकहरुले न्यानो कपडा छानेर लान पाउदा खुशि ब्यक्त गरे । ‘हामीलाई कपडाको धेरै आवश्यकता थियो, यो बेलामा सप्तकोसी सिमेन्टमानै हामीले चाहिएको न्यानो कपडा छानिछानि लान पायौँ ।’ एक श्रमिकले भने,‘हाम्रो लागि पनि कोही छ भन्ने महसुस भएको छ । राउण्ड टेबल र सप्तकोशी सिमेन्टलाई धेरै धन्यवाद । हामी धेरै खुशी छौँ ।’

आगामी दिनमा पनि समस्यामा परेका व्यक्ति र परिवारलाई सहयोग गरिने आयोजक राउन्ड टेवल नेपाल बिसिआरटि १५ ले जनाएको छ ।