विराटनगर, २९ मंसिर । भारतमा जागिर लगाइदिने भन्दै ठगि गरेको आरोपमा एक जनालाई प्रहरीले विराटनगरबाट पक्राउ गरेको छ । पक्राउ पर्नेमा गोर्खाको लखन गाउँपालिका–२ का ३८ वर्षीय गणेशराज अर्याल रहेका छन् ।

उनले विराटनगर बसपार्कबाट भारतमा सेक्यूरिटी गार्डमा जागिर लगाई दिन्छु भन्दै उदयपुरको त्रियुगा नगरपालिका–८ का उमेश कुमार दनुवार र सोही स्थानका प्रेम कुमार दनुवारबाट पटक–पटक गरी एक लाख ७३ हजार रुपैयाँ लिएको प्रहरीले जनाएको छ ।

उनलाई अदालतबाट ठगी कसूरमा सात दिन म्याद थप गरी थप अनुसन्धान भइरहेको जिल्ला प्रहरी कार्यालय मोरङका प्रवक्ता प्रहरी नायव उपरिक्षक दिपक श्रेष्ठले जानकारी दिए ।