प्रदेश १ मा ८७ कोरोना संक्रमित थपिए
विराटनगर, २९ भदौ–प्रदेश १ मा पछिल्लो २४ घण्टामा ८७ जना कोरोना संक्रमित थपिएका छन् । मोरङमा ५५, सुनसरीमा २४, झापामा २ , उदयपुरमा १ र प्रदेश १ बाहिरका ५ जना रहेको सामाजिक विकास मन्त्रालयले जनाएको...
नेकपा एमालेका अध्यक्ष केपी शर्मा ओलीले आफ्नो पार्टी कसैको बैशाखी टेकेर चुनाव नलड्ने बताएका छन् ।
शनिबार काठमाडौंमा आयोजित कार्यक्रमलाई सम्बोधन गर्दै अध्यक्ष ओलीले पाँच दलीय गठबन्धनका लागि एमाले एक्लै काफी रहेको बताए ।
‘पाँच दलीय गठबन्धनका केही दलले गठबन्धन गरेर चुनाव लड्छौँ भनिरहेका छन् । पाँच दलीय गठबन्धनजस्ता अरु १० वटा दल मिलेर चुनावमा आए पनि एमालेलाई केही फरक पर्दैन,’ उनले भने ।
अध्यक्ष ओलीले एमाले एक्लै चुनाव लड्ने र विजयी हुने बताए । ‘एमाले कसैको बैशाखी टेकेर चुनाव लड्दैन,’ उनले भने, ‘आफैँ चुनाव लड्छ र जित्छ ।’
अध्यक्ष ओलीले एमालेलाई सिध्याउन सबै राजनीतिक दल आए पनि केही फरक नपर्ने बताए । ‘सत्ता गठबन्धनका केही दलले निर्वाचनसम्मसँगै जान्छौँ भनेका छन्’, उनले भने, ‘तर कांग्रेसले त्यसो भनेको हामीले सुनेका छैनौँ । अरु दल कांग्रेसको औँला नसमातेर हिँड्न सक्दैनन् ।’
